Хотын төв хэсэг, Улсын их дэлгүүрт гарсан галыг унтраажээ. Гал дэлгүүрийн зургадугаар давхраас эхэлсэн бөгөөд "УИД-ийн бэлэг дурсгалын тасагт гал гарсан" тухай дуудлага 16:48 цагт Онцгой байдлын албанд ирсэн байна.
Галыг унтраахаар нийслэлийн Онцгой байдлын газрын Гал түймэр унтраах хоёр ангийн 3 тасаг ажиллаж, галыг бүрэн унтраасан бөгөөд галын шалтгааныг тогтоох ажлын хэсэг ажиллаж эхэллээ.
Галын улмаас хүн бэртэж, гэмтээгүй бөгөөд Их дэлгүүрийн дээд давхарт хоолны газрууд ихээр байдаг учраас газ дэлбэрэх аюултайг гал унтраах ангийн алба хаагчид анхааруулан, ойролцоох иргэдийг холдуулж, аюулгүй байдлыг ханган гаднах талбайг хамгаалалтад авсан байна.
Гал гарч эхэлсэн цагаас хойш Онцгой байдлын алба хаагчид нийт 11 хүнийг галын аюулд өртөх эрсдлээс хамгаалсан байна. Тэдний 2-3 нь угаартсан байжээ. Угаартсан иргэдэд Түргэн тусламжийн ирж, тусламж үзүүлсэн байна.
