Монгол Улсын Ерөнхийлөгчөөс эвлэрэх чиглэл авсан МҮБХ-ныхон энэ сарын 18-нд хуралдуулахаар зарлаад байсан Их Эеийг дахин хошлуулжээ.
МҮБХ-ны тэргүүнээр сонгогдсон ч нэрээ татсан “Гачуурт”-ын Л.Чинбат Дархан аварга Х.Баянмөнхөөр ахлуулан ажлын хэсэг байгуулж, Их Эеийг хуралдуулан холбооны тэргүүнийг дахин сонгохоор болсон.
Харин ажлын хэсгийн ахлагч Х.Баянмөнх Бөхийн өргөөний сүүлийн 20 жилийн санхүүгийн тайланд аудит хийлгэх, допингийн хууль бус бизнесийн сүлжээ болсон "Аварга" дээд сургуульд энэ эрхийг өгөлгүй сонгон шалгаруулалт явуулах шаардлага гаргасан байна. Гэвч уг шаардлагыг Р.Нямдорж, Д.Данзан нар хүлээн аваагүй тул энэ сарын 18-нд товлогдоод байсан Их Эеийг хуралдуулах боломжгүй болжээ.
Харин Р.Нямдорж, Д.Данзан нарын зүгээс МҮБХ-ны тэргүүн болоод, гүйцэтгэх захирлын суудлыг Ц.Магалжавт өгнө, Бөхийн өргөө МҮБХ-ны өмч байх албагүй гэсэн байна. Бөхийн холбоо болон Бөхийн өргөөг тойрсон маргаан мөд дуусахгүй нь бололтой.
Сэтгэгдэл (1)