Багууд, лиг, тамирчид сүүлийн жилүүдэд Хятадын босгод хүрэх гэж эрвийх дэрвийхээрээ хичээж байгаа. Сүүлийн үед "мэргэжлийн тамирчдад ингэж хичээх нь эрсдэлийн хувьд хэтэрхий өндөр байна уу" хэмээн зарим хүмүүс гайхаж байна.

Өнгөрсөн долоо хоногт эмэгтэйчүүдийн теннисний холбооноос өмнөх дэд ерөнхий сайдаас бэлгийн хүчирхийллийн дарамт авсан теннисчин Пэн Шуайнгийн аюулгүй байдлыг баталгаажуулж чадахгүй бол Хятадад тэмцээн зохион байгуулахаа зогсооно гэж сүрдүүлсэн нь спортын ертөнц өөрчлөгдөж байгааг харуулав.

Эмэгтэйчүүдийн теннисний холбооны байр суурь одоо ч өндөр хэвээр байна.

NBA, Английн Премьер лиг, Формула 1 авто уралдаан эсвэл Олон улсын олимпийн хороо гэх мэт олон сая долларын хамтын ажиллагаатай спортын байгууллагууд санаа зовоосон асуудлаа голчлон хойш тавьжээ. Зарим нь Хятадын янз бүрийн шаардлагыг шууд хүлээн зөвшөөрдөг байв.

Харин одоо олон нийтийн санаа бодол өөрчлөгдөж байна. Pew гэх судалгааны төвийн энэ онд хийсэн судалгаагаар Америкчуудын 67 хувь нь Хятадад сөрөг сэтгэгдэлтэй байгаа нь 2018 оны 46 хувьтай харьцуулахад эрс өссөн тоо юм.

Одоо барууны бусад ардчилсан орнуудаас ийм өөрчлөлт гарч байна.

Бээжинд төвтэй China Sports Insider сэтгүүлийн спортын шинжээч Марк Дрейер "Эмэгтэйчүүдийн теннисний холбоо Хятадтай зөрчилдөж байгаа нь Хятад болон барууны өрсөлдөгчдийн хооронд үүссэн "тэд эсвэл бид" гэсэн сэтгэлгээний хурцадмал байдлыг илэрхийлж байна.

Тиймээс Эмэгтэйчүүдийн теннисний холбооны аюул заналхийлэл нь ирэх тулааны шинж тэмдэг болж магадгүй бөгөөд энэ тохиолдолд Хятад ялагдаж магадгүй" гэжээ.

Б.Бүжлхамаа

www.nytimes.com