Гандантэгчэнлин хийдийн 1080 лам хурах багтаамжтай “Батцагаан” их цогчэн дуган өчигдөр үүдээ нээлээ.
Батцагаан цогчэн дуган нь 20-р зууны эхэн үе гэхэд 108 баганатай, олон мянган лам хурах багтаамжтай байсан ч их хэлмэгдэлтийн үеэс эвдэрч эхэлжээ. 2006 онд Монгол Улсын Засгийн газар, БСШУСЯ-ны захиалгаар "Батцагаан" их цогчэн дуганыг барилгын ажлыг эхлүүлсэн байна. 21212 м2 талбай бүхий 7 давхар дуган өндөр үүдээ өчигдөр нээж, хол ойрын сүсэгтэн олон, эрдэмтэн мэргэд зочид гийчдэд Монголын Үндэсний их театрын уран бүтээлчдийн урлагийн тоглолтыг толилууллаа.
Түүнчлэн Батцагаан цогчэн дуганы нээлтийн арга хэмжээг тохиолдуулан "Самвад-III" олон улсын хурлыг Монголд анх удаа зохион байгуулж, эрдэм шинжилгээний хуралд Энэтхэг, Япон, Шриланк, Бутан, Камбож, Мьянмар, Тайланд, Бангладеш, Балба, Хонг Конг, Сингапур, Вьетнам зэрэг 18 орны 80 гаруй зочин уригдан оролцож байна.
Энэ удаагийн хурлаар хүн төрөлхтний өмнө тулгамдсан асуудал болох “Зөрчлөөс зайлсхийх”, “Байгаль орчны аюулгүй байдал”, “Азийн ардчилал” зэрэг сэдвээр хоёр дахь өдрөө үргэлжилж байна.
Батцагаан цогчэн дуганы нэгдүгээр давхрын гол танхимд VIII Богдын мэлмий гийсний 150 жилийн ойд зориулсан “Бурханы шашны өв соёл” үзэсгэлэнг дэлгэжээ. Энд Богдын хэрэглэж байсан эд өлгийн зүйлс болон Өндөр Гэгээн Занабазарын урласан бурхныг нийтэд нээлттэй дэлгэн сонирхууллаа.
Маргааш буюу 8-ны ням гаригт Төв цэнгэлдэх хүрээлэнд “Хүрээ цам-Даншиг наадам-2019”-ыг "Батцагаан" цогчэн дуганын нээлтийн үйл ажиллагаатай холбогдуулан зохион байгуулах юм байна.
