Германы нийслэл Берлин хотод амьдардаг 90 настай нэгэн эмэгтэй хүмүүнлэгийн үйлсийн сугалаагаар 1.5 сая евро хожсон байна. Тэрбээр уг сугалаанд 2019 оноос хойш оролцож байгаа ажээ.
Энэхүү хонжворт сугалааны сангаас зөвхөн хонжвор олгодог төдийгүй сугалааны орлогоос Германд хэрэгжүүлж буй нийгмийн шинжтэй төслүүдийг санхүүжүүлдэг байна. Жишээ нь, өндөр настнууд, цагаачид, хөгжлийн бэрхшээлтэй иргэдэд туслах зорилготой нийт 400 төсөлд сүүлийн жилүүдэд 70 орчим сая еврог хандивлажээ.
Азтай өндөр настан 90 насныхаа ойг дөнгөж тэмдэглэснийхээ дараа сугалаанд мөнгө хожсон тухайгаа мэдсэн тул “энэ бол жинхэнэ сенсаци” гэж Германы хэвлэлүүдэд бичсэн байна.
Өмнө нь 2025 оны 12 дугаар сард Kazinform агентлаг мэдээлснээр, Зул сарын баярын өмнөхөн АНУ-ын Арзанзас муж улсын оршин суугч нэгэн эрэгтэй Powerball сугалаанд оролцож, 1.8 тэрбум ам.доллар хожсон нь түүхэнд хоёрдугаарт бичигдэх хэмжээний хонжвор ажээ. Уг сугалааны тасалбар нь 2 долларын үнэтэй гэнэ.
Эх сурвалж: Kazinform
