Цахилгаан автомашин үйлдвэрлэгч "Tesla" компани “Artificial General Intelligence” AGI буюу Ерөнхий хиймэл оюуныг хөгжүүлэгч компаниудын нэг болно гэж Америкийн тэрбумтан Илон Маск лхагва гарагт мэдэгджээ.

"Tesla" компани хүний түвшинд эсвэл түүнээс давсан оюуны даалгавруудыг гүйцэтгэх чадвартай хиймэл оюуны хэлбэр болох AGI-г бүтээж чадах компаниудын нэг болж магадгүй гэж И.Маск Х нийгмийн сүлжээндээ бичсэн байна. Түүний хэлснээр, энэхүү технологийг "Tesla" компанийн хүн дүрст роботууд, дэвшилтэт үйлдвэрлэлийн системийн чиглэлээр хэрэгжүүлж буй судалгаа, хөгжүүлэлтийн ажлуудад тулгуурлан боловсруулах боломжтой.

Робот техник, хиймэл оюуны салбарт явуулж буй үйл ажиллагааныхаа хүрээнд "Tesla" компани “Optimus” гэдэг нэртэй хүн дүрст роботыг хөгжүүлж байгаа юм.

И.Маск мөн “X Money” санхүүгийн үйлчилгээг туршилтын хэлбэрээр удахгүй нэвтрүүлнэ гэдгээ дурджээ.