Тайваньд цэргийн шахалт үзүүлэхээ зогсоохыг АНУ-ын засаг захиргаа Хятадын талд уриалжээ.
“Хятадын цэргийн ажиллагаа болон Тайвань ба бүс нутгийн бусад орнуудтай холбоотой Хятадын талын мэдэгдлүүд нь зөвтгөх аргагүйгээр байдлыг улам хурцатгаж байна. Хүлээцтэй байж, Тайваньд цэргийн шахалт үзүүлэхээ зогсоон, үүний оронд үр дүнтэй яриа хэлэлцээ хийхийг бид Бээжинд уриалж байна” гэж АНУ-ын Төрийн департаментын мэдэгдэлд дурдсан байна.
“Тайванийн хоолойд энх тайван, тогтвортой байдлыг дэмжихийн сацуу хүч хэрэглэх эсвэл дарамт шахалт үзүүлэх замаар статус-квог дангаар өөрчлөх гэсэн аливаа оролдлогыг АНУ эсэргүүцэж байна” хэмээн мэдэгдэлд онцолжээ.
Хятадын Ардын чөлөөлөх арми Тайвань арлын эргэн тойронд “Шударга ёсны эрхэм зорилго-2025” гэдэг нэртэй өргөн хэмжээний цэргийн сургуулилалт хийжээ. Энэ үеэр байлдааны буудлага хийж, арлын гол боомтуудыг бүслэн хаах тактикийг боловсруулсан байна.
Эх сурвалж: TASS
