Оросын Батлан хамгаалах яамны мэдээлснээр, суллагдсан цэргүүд бүгд Беларусь улсад хүргэгдэж, сэтгэл зүй болон эрүүл мэндийн тусламж авч байна. Мөн Украины тал Курск мужийн найман оршин суугчийг Оросын талд буцаасан гэж тус яам нэмжээ.
Украины Ерөнхийлөгч Владимир Зеленский “Telegram” хуудсаараа дамжуулан солилцоо болсныг баталж, эх орондоо ирсэн иргэдийн инээмсэглэсэн зургуудыг нийтэлсэн байна. Тэдний олонх нь 2022 онд Оросын довтолгооны дараахан олзлогдсон бөгөөд тэдний дунд дайны эхэнд сэтгүүлч нэгэн багтаж байжээ. Ерөнхийлөгч энэ ажиллагаанд хяналт тавьсан АНЭУ-ын талд талархлаа илэрхийлэв.
Харилцан солилцооны тоо 146:146 байсан талаар Украины армийн мэдэгдэлд дурдсан бөгөөд энэ нь сүүлийн саруудад хийгдсэн хамгийн том солилцоо болж байна. Туркт хэлэлцээг ахалсан Владимир Мединский Курскийн энгийн иргэдийг буцаах ажиллагаа удаашралтай явааг шүүмжилж, 20 гаруй оршин суугч гэртээ харих өдрөө хүлээж байгааг онцолсон байна.
Эх сурвалж: Reuters
