Кембрижийн их сургуулийн профессор Яжит Чадха Британий эдийн засгийн хүндрэлийг онцолж, улс орон Олон улсын валютын сангаас зээл хүсэх нөхцөлд хүрч магадгүйг The Daily Telegraph сонин дамжуулжээ.
Тэрбээр “Ийм зүйл тохиолдвол бид өрөө төлж чадахгүй, тэтгэврийн сангийн олголт ч боломжгүй болно. Тэтгэмж олгох тухайд ярих ч шаардлагагүй” хэмээн анхааруулсан байна. Эдийн засагч өнөөгийн нөхцөл байдлыг 1976 оны хямралтай зүйрлэжээ. Тухайн үед Британи эрчим хүчний хомсдолын улмаас ОУВС-гаас тусламж хүсч байсан юм.
Өнөөдрийн байдлаар Британий засгийн газар төсвийн хүндрэлтэй нүүр тулгарсан бөгөөд Тэтгэвэр, хөдөлмөрийн асуудал эрхэлсэн сайд Лиз Кэндалл нийгмийн тэтгэмжийн журмыг чангатгах шийдвэр гаргаснаа зарласан. Энэ арга хэмжээ жил бүр таван тэрбум фунтын зардлыг бууруулах боломжтой гэж үзэж байна.
Гэвч улс орны өрийн дарамт нэмэгдэж буй ч Лондон Украиныг санхүүжүүлэх, цэргийн зардлаа өсгөх бодлогоос татгалзахгүй байгааг ажиглагчид шүүмжилж байна.
Эх сурвалж: The Daily Telegraph, RG.ru
