“Улаанбаатар цахилгаан түгээх сүлжээ” ТӨХК-аас шугам тоноглолд засвар, үйлчилгээ хийх болсонтой холбогдуулан өнөөдөр буюу дөрөвдүгээр сарын 23-ны өдөр нийслэлийн Сүхбаатар, Баянзүрх, Баянгол, Хан-Уул дүүргүүд болон Төв аймагт түр хугацаагаар цахилгаан хязгаарлах талаар мэдээллээ. Засварын ажлыг тоноглолоос бүрэн хүчдэлийг салгасны дараа эхлүүлдэг тул иргэд, аж ахуйн нэгжүүдээс хүлээцтэй, ойлголцтой хандахыг хүсэв.

Цахилгааны хязгаарлалт хийх хуваарь дараах байдалтай байна:

• Сүхбаатар дүүрэг – 11-р хороо, 100 айл орчим, Арьсны өвчин судлалын үндэсний төв, Сэргээн засалт сургалтын төв, 65 A-B, 68, 86, Цагдаа 64, 72-р байр болон ойр орчимд 10:30–17:00 цагт.

• Баянзүрх дүүрэг – 5, 22-р хороо, Өглөөний 22–26-р гудамж, Таварын хийд, ШУТИС-ийн оюутны байр, 30, 46, 53, 66, 69, 71, 75, 80-р байр болон сургууль, цэцэрлэгүүдийг хамарсан байршлуудад 12:00–17:00 цагт.

• Баянгол дүүрэг – Зүүн наран, Горький, Ард Аюушийн гудамж, 57-р цэцэрлэг, Мобиком, Юнител зэрэг байгууллагуудын бүсэд 09:30–17:00 цагт.

• Хан-Уул дүүрэг – 3-р хороо, Алтаргана, Пийс таун, Монгол-Солонгосын техник коллеж, Үйлдвэр хороолол орчимд 09:30–16:00 цагт.

• Төв аймаг:

  • Зуунмод сумд: Петровис ШТС, Төв чандаман ДЭЧХГ, Баруун хэсгийн гудамж, Энхтайван багууд 09:00–16:30 цагийн хооронд хуваарийн дагуу,

  • Баянцагаан, Баяндэлгэр сумдад бүхэлд нь 09:00–17:00 цагт хязгаарлалт хийхээр тус тус төлөвлөжээ.

Цаг агаарын нөхцөл байдлаас шалтгаалан цахилгаан хязгаарлах хугацаанд өөрчлөлт орох магадлалтай бөгөөд гэрээт хэрэглэгчдэд утсаар мэдээлэл хүргэх юм байна. Иймд хэрэглэгч та бүхэн урьдчилан бэлтгэлтэй байж, засварын хугацаанд шаардлагатай зохицуулалтыг хийхийг зөвлөж байна.

Эх сурвалж: Улаанбаатар цахилгаан түгээх сүлжээ ТӨХК