АНУ-ын Ерөнхийлөгч Дональд Трамп ням гарагт Орос, Украины талууд энэ долоо хоногт хэлэлцээрт хүрнэ гэдэгт найдаж байгаагаа “Truth Social” нийгмийн сүлжээнд мэдэгдлээ. Тэрбээр энэ тухайгаа бүх үгийг том үсгээр бичин онцолж, хэрэв хэлэлцээр амжилттай болбол хоёр улс Америкийн Нэгдсэн Улстай хамтран томоохон бизнес хийх боломж нээгдэнэ хэмээн мэдэгджээ.
Гэсэн ч хэлэлцээрийн нөхцөл, агуулгын талаар дэлгэрэнгүй мэдээлэл өгөөгүй байна. Трампын энэ мэдэгдэл нь хоёр талд дайныг зогсоох хүсэлтэй байгаагаа илэрхийлэх уриалга болон хүрч байгаа юм.
2022 оны хоёрдугаар сард Оросын арми Украинд халдан довтолсноор эхэлсэн энэ дайн одоог хүртэл үргэлжилж буй. Сүүлийн өдрүүдэд хоёр тал богино хугацааны гал зогсоох тохиролцоо хийх оролдлого хийсэн ч, хоёр тал бие биенээ зөрчсөн хэмээн буруутгасаар байна.
-
ОХУ-ын Ерөнхийлөгч В.Путин Улаан өндөгний баярыг тохиолдуулан 30 цагийн гал зогсоох санал гаргасан.
-
Украин энэ үеэр зөвхөн хамгаалах хариу арга хэмжээ авсан гэж мэдэгдсэн бол
-
Украины Ерөнхийлөгч В.Зеленский “Орос 2000 удаа гал зогсоох тохиролцоог зөрчсөн” гэж буруутгасан.
-
Украины Зэвсэгт хүчний командлагч Александр Сырский Орос их буу, камиказе дроноор довтолсон гэж мэдээлсэн.
-
Харин Оросын Батлан хамгаалах яам Украины довтолгоог няцаасан, энгийн иргэдийг хохироосон гэж Киевийг буруутгасан байна.
Ийнхүү хэлэлцээрийн боломжийг Трамп онцлон найдаж байгаагаа илэрхийлсэн ч, талуудын харилцан буруутгал үргэлжилсээр буй нь энхийн хэлэлцээрийн болзошгүй үр дүнг эргэлзээтэй болгож байна.
Эх сурвалж: Fox News, DW
