x

Стратегийн "түүхий хүн”

СТРАТЕГИЙН  “ТҮҮХИЙ ХҮН”

Эхлэл: Улаанбаатар орсных тэр намзасаг гэдэгтэй нь уулзлаа.

Том хар дээлтэй хүн байна

Тууварчны яриа.ХХ зуун

-фельетон-

    Сонгуульд ялсан МАН-ын удирдлага сөрөг хүчний Зочин сайдууд бүхий холимог Засгийн газар байгуулсан билээ. Холимог засаг ч холиож байнаа, базарваань! 

   Холимогийн хэрэг...гэнээ, хадуурчихлаа, Засгийн газрын Хэрэг эрхлэх газрын Н.Учрал дарга хоёр том шийдвэрээ сая зарлалаа. Юуны өмнө, хувийн өмч бол улс үндэстний баялаг учраас хэнд байхаасаа үл хамаараад тал хүртэлх хувь нь ард түмэнд ногдож байхаар болж байгаа юм байна. 

     Тэртээ 1959 онд малыг сайн дурын үндсэн дээр албан журмаар нийгэмчилж байсан бол энэ удаа илүү ардчилсан байдлаар “хэлэлцээрийн журмаар хураан авах” ажээ. Зууны тэртээд өмчөө хураалгахаас цааргалсан малчдыг “байцаалтын ширээ”-нээ суулгаж байсан бол өнөөдөр компаниа хураалгаагүй эздийг ердөө “хэлэлцээрийн ширээ”-нд суулгаж байгаа нь Засгийн газрын ардчилалтай холимог шийдэл гэлтэй. 

      Өмчөө бэлэглэхээс татгалзсан зарим эздийг “461 дүгээр хэлэлцээрийн ширээ”-ний цаана удаан суулгаж хэлэлцэх болно гэдгээ ч анхааруулж. Эрүүгийг хуулинд “10 хүртэл жил хэлэлцээр хийлгэх”, “Нээлттэй ширээний ард хагас жил хэлэлцээр хийлгэх” гэхчлэнгийн заалт орж байгаа бололтой. 

Шинэ цагийн хулигаан баньд нар хүүхдийн хорихоос суллагдахаараа:

-Ах нь хүүхдийн хэлэлцээрийн ширээнд сууж байгаад ирлээшдээ гээд л шилээ шөргөөх болох нээ.

Цагдаагийн газраас ч,

-Иргэн таныг...ны өдрийн... цагт...тоот өрөөнд ирж хэлэлцээр хийхийг урьж байна гэсэн хуудас явуулах болж.

   Холимог засгийн Газрын шийдвэр цаашаа хүн төрөлхтэнтэй холилдон үргэлжилсээр.

 Монгол улс нь хэдийгээр тусгаар тогтносончлон улс боловч оршин буй газар дэлхий нь хүн төрөлхтний стратегийн өмч юм байна. Иймээс хүн амын 49-өөс доошгүй хувийг хятад, орос болон бусад хүн төрөлхтөнөөс бүрдэх учиртай ажээ. Ингээд Засгийн газраас жирэмслэхээр бэлтгэж буй эмэгтэйчүүдийг хэлэлцээрийн ширээнд урьж байна гэнэ. Хэрхэхийг тэнгэр яахин мэдэх, Учрал сайд л хэлэх !

     Ингээд зогссон бол ч яах вэ? Бид чинь Монгол улсын иргэн мөн боловч төрөл зүйлийнхээ хувьд Хомосапиенс учраас “Хүн төрөлхний стратегийн үнэт махбод”-ийн тооцоонд нэгэнт орчихсон юм байжээ. Учрал сайд зусландаа нуугдаад юмаа уншиж байхдаа мэдсэн гэнэ. Монгол улсын иргэний бие махбодийн 49 хүртэлх хувийг БНХАУ, ОХУ, Мадагскар хийгээд бусад улс өмчлөх ёстой юм байна, цаанаасаа. Бие биенээ “хужаагийн эрлийз” энээ тэрээ гэж баалдаг маань утгаа алдлаа. Угаасаа, биеийн чинь 49-өөс багагүй хувь нь Хятад зэрэг улсын хэсэг болчоод байхад хэнийгээ ч эрлийзээр нь дуудах билээ, айн?

   Хүн байтугаа, малын 49 –өөс доошгүй хувийг ард түмэн авна гэнэ. Мал бол Үндсэн хуулинд “төрийн хамгаалалтанд байна” гэж орсон стратегийн чухал “хүнс тээгч эх” учраас ард түмэнд талаас багагүй нь байх учиртай ажээ. 

   БНМАУ-д, 1959 онд “малчдыг нэгдэлд элсүүлэх” замаар хөрөнгийг нь ард түмэндээ олгож байсан. Харин энэ удаа илүү ардчилсан байдлаар “Малчдыг хоршоонд нийлүүлэх” технологиор ард түмэндээ олгох ажээ.

  Өвлийн эхэн сард мал ард түмэнд очсны анхны үр дүн гарах юм байна. Хотын ард түмэн өвлийн идшээ малчдын хотноос бэлтгэх ба малчид сүргийнхээ 49-өөс хувийг сайн дураараа бэлэглэх үүрэгтэй гэх. Хотынхон поортэр хөлсөлж очоод дуртай айлынхаа малын 49-өөс доошгүй хувийг төхөөрөөд ирж болох ба ингэхгүй гэвэл Учрал сайдад хэлээд л шийдүүлчих юм байна. 

     Боловсрол нь бүх ард түмний стратегийн баялаг учраас хувийн бүх сургуулийн 49-өөс багагүй ард түмэнд буцаан авна гэнэ. Багш нарын цалингийн 49 хувийг эргүүлэн суутгах нь их учиртай аж. Багш бол улсын баялаг учраас цалин нь ч ард түмний баялаг юм байна. Багшийн цалингийн 49 хувийг суутган ард түмэнд үлдээж байгааг тааж цөхөх юмгүй.

   Ард түмэн ч бөөн баяр, тэр дундаас эрчүүд бөөнөөс бөөн баяр. Яагаад гэж үү? Сперм нь Монгол үндэстний генфондыг бүрдүүлэгч учраас “стратегийн түүхий хүн” гэж нэрлээд эрчүүдэд түүнийхээ 49-өөс багагүй хувийг ард түмэнд хүртээж байх үүрэг ногдуулжээ. 

      Цаашлаад “Стратегийн түүхий хүн”-ийг гадаад хольцоос хамгаалахын тулд уламжлалаасаа суралцсан тактик баримтлана гэнэ. Хурдан морины уралдаанд эрлийз морь оруулж наадмаа бохирдуулахгүйн тулд сэрвээний өндрийг хэмжиж,илүү гарвал хасдаг даа. “Яг түүн шиг” гэлээ гэгчээр нанометр барьсан эмч нар бүхий л секст биечлэн оролцож, сперматизиод нь 0,04мм ээс урт бол “эрлийз түүхий хүн” гэж үзээд эмэгтэйн өндөгөн эс рүү хийх уралдаанаас хасч байх шийдвэр гаргасан байна. Хэрхэхийг Учрал л мэдтүгэй!

    Амьдрал нь баахан түвэгтэй боловч зугаатай болсонд эрчүүд их л додигор байжээ. Гэтэл “бадарчин баярлах болоогүй” гэгчийн үлгэр болов. Эмэгтэйчүүд төрүүлсэн хүүхдийнхээ 49-аас багагүй хувийг ард түмнээс олсон байх учиртай болж гэнэ. Цаашлаад, хүүхнүүд мөөмөө 50 хүртэл хувьд нь... за энийг ярилтгүй ойлгочихно биз?

Түүнчлэн,

-Алга дарам цаасан дээр үйлдсэн бүх бичиг баримтыг хүчингүйд тооцсноо гэж Учрал дарга зарласан нь стратегийн шинжтэй үг болов. Даргын үг тэр дороо л хэрэгжээд, онгоцны буудлын ажилтнууд гадаад паспортон дээр алгаа тавьж хэмжээд шууд хогийн сав шидэж байна гэнэ. 

     Төгрөгөөр худалдаа хийхээ больж эхэлжээ. Дэлгүүрээс талх аваад 20.000 төгрөгийн дэвсгэрт өгсөн хүнийг “Хүчингүй болсон алга дарам цаасаар төлбөр хийхийг оролдсон залилангийн шинжтэй үйлдэл” хэмээн баривчилжээ. Гэвч хэрэгтэнд “Цагдан хорих тухай Шүүхийн тогтоол” гардуултал, гар дээрээ дэлгэж үзээд

–Хэвлэсэн цаас нь алга дарам хэмжээтэй учраас хүчингүй хэмээн урж шидээд гартээ харьжээ. 

Харихдаа зүгээр харьсангүй. 

–Хувийн дэлгүүрийн барааны 49 хүртэл хувь ард түмнийх байх ёстой гээд лангууных нь талыг ачаад явчихаж гэнэ ээ. Энэ сургаар, Номин, Е-март энэ тэр лүү поортэр хөлсөлсөн ард түмэн цуварч байна гэнэ дээ. Юу болохыг Бурхан л, бурхансах юу байх вэ, Учрал сайд л мэдэж дээ!

Иймэрхүү л нэг, Учрал сайдтай учраад байна даа, бид. Сайдын хэлснээр: юмс төдийгүй үзэгдэл ч гэсэн дээр өгүүлсэн харьцааг хадгалсан бүтэцтэй байна гэнэ. Түүний шийдвэрийн дагуу, Байгаль орчны Яамнаас энэ ням гаригт орох борооны 49 хувийг цас, үлдсэн хэсгийг ус байлгах тушаал гаргажээ

-Учиргүй л, Учралтай учирч, учир ургуулав гэснээс, цагдаагийнхан “учрал” гэдэг мэргэжлийн хэллэгээ өөрчлөхгүй бол өөрсдөө хэрэгт ороод үлдвэл их юм болох нээ. Радио холбоогоор “Учрал болсон газар яаралтай оч” гэхийг сонссон шуурхайнхан Учрал сайдын ямар нэгэн юм хүчингүй болгож байгаа газарт андуурч оччихоод байна.

Төгсгөл: “Улаанбаатар орсных, тэр Ард түмэн гэдэгтэй нь уулзлаа.

Том хар гонжоомтой хүн байна”

Тууварчны зээгийн яриа. XXI зуун

Б.Цэнддоо /baabar.mn/

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
Доминик де Вильпен Францын ерөнхийлөгчийн сонгуульд өрсөлдөнө 15 цаг 34 мин Дэлгэрмөрөн, Бэлтэс, Шишхэд, Үүрийн голуудын мөсний зузаан 5-15 см нэмэгджээ 15 цаг 47 мин Медведев, Зверев нар хагас шигшээд өрсөлдөнө 15 цаг 54 мин GTA VI тоглоомноос ганцхан өдрийн дотор 3.8 тэрбумын орлого олжээ 16 цаг 0 мин Монгол, АНУ-ын хооронд 2028 онд шууд нислэг үйлдэх зорилттой ажиллаж байна 16 цаг 46 мин Нийслэлийн 2027 оны төсвийн төслийг өргөн барилаа 16 цаг 52 мин “Хурандаа нарыг генерал болгосон” хурандаа У.Хүрэлсүхийг хэн шалгах вэ? 17 цаг 7 мин Д.Эрдэнэбаатар: Монголчууд хаанаас ч нүүж ирээгүй, хаашаа ч нүүгээгүй 17 цаг 22 мин Улаанбаатарт цас орно, өдөртөө 8-10 хэм хүйтэн 18 цаг 35 мин С.Бямбацогтыг хэн гэж дуудах вэ, бас намаасаа татгалзчихаар яах вэ 2026-11-20 Орон нутгийн замд үүссэн цас, мөсийг цэвэрлэж, аюулгүй байдлыг хангахаар 24 цагаар ажиллаж байна 2026-11-20 Хүрэлсүх Ерөнхийлөгчийн “хүрэл” мэт эр зориг 2026-11-20 У.Хүрэлсүх: Монгол Улсын нэр хүнд, байр суурийг бататган бэхжүүлэхэд онцгой анхаарч ажиллалаа 2026-11-20 Т.Ариунзаяа өсвөр, залуучуудын ДАШТ-д түрүүлсэн анхны монгол жүдоч боллоо 2026-11-20 Эрчим хүчний оргил ачааллыг бууруулах 100 МВт-ын батарей хуримтлуурын төслийг хэрэгжүүлнэ 2026-11-20 Баавгайн цацлага, амьдаар барих төхөөрөмжийг хамгаалалтын захиргаадад олгож эхэллээ 2026-11-20 ЧУУЛГАН: СЗХ-ны даргыг үүрэгт ажлаас чөлөөлөх асуудлыг хэлэлцэнэ 2026-11-20 Б.Заяабал: Мөнгөний бодлого эдийн засагт, ялангуяа инфляцийг бууруулахтай холбоотой гол нөлөөлөл үзүүлдэг 2026-11-20 С.Бямбацогт: Парламентад суудалтай намуудын дарга нараас ойлголцол, зөвшилцлийн Зөвлөл байгуулж ажиллана 2026-11-19 Ерөнхийлөгч У.Хүрэлсүхийг өөрийнх нь хүсэлтээр үүрэгт ажлаас нь чөлөөллөө 2026-11-19
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Монголын мөсөн сийлбэрчид Мадридын тэмцээнд түрүүллээ Юун Ялта, юун дэлхийг хуваах! З.Мэндсайхан: Тэтгэвэр, цалингийн нэмэгдлээр дамжуулан ажлын... Нөмрөгийн түймрийн хохирлын үнэлгээг хуулийн байгууллагад ши... Хууль зөрчиж хэрэг буцаасаар байгаа Дээд шүүхийг “байцаах” х... Шөнийн автобус 22:00-02:00 цагийн хооронд үйлчилж байна Дээд шүүхийн “дээвэр” нурчихсан уу? 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Д.Трамп Хятадад Ким Жөн Унтай уулзаж магадгүй гэв Хятадын арбитр: Манай төрийн өмчит банкуудаас татсан зээлүүд... Оюутны гольфийн ДАШТ-д М. Буян-Эрдэнэ амжилттай оролцлоо Энэ онд 51 байршилд 63.47 км авто замыг шинэчлээд байна “Герман, Франц улсад суралцсан анхны эмэгтэйчүүд” үзэсгэлэнг... У.Хүрэлсүх эргэн ирэлт хийх үү? Гавьяат тамирчин Э.Цэндбаатар 16 дараалан яллаа Ерөнхий сайд аа, АТГ, УЕПГ Таны “Ажлын алба” биш! Энэ 7 хоногт Монгол Улсад Ч.Өнөржаргал: Цагдаагийн байгууллага хүний нэр хүндэд халдаж...
Top