Одоогоос таван жилийн өмнө буюу 2018 оны наймдугаар сард Зам тээврийн хөгжлийн яамны байранд хүн амины хэрэг гарч, тус яамны Хяналт шинжилгээ, үнэлгээ дотоод аудитын газрын дарга Т.Гомбосүрэн онц ноцтойгоор амь нас хохирсон хэрэг гарсан.
Энэхүү хэрэгт тус яамны Төрийн захиргаа, удирдлагын газрын дарга Б.Махбалыг сэжигтнээр татан, шалгаж гурван шатны шүүхээс 11 жилийн хорих ял оноож шийдвэрлэсэн байдаг.
Гэвч энэ оны есдүгээр сарын 27-ны өдөр хоригдол Б.Махбалыг 3 жил 1 сар 6 хоногийн хорих ялаас хугацаанаас өмнө суллах шийдвэрийг Багануур дүүргийн Эрүүгийн хэргийн анхан шатны шүүхээс гаргасан. Энэхүү шийдвэрийг Ерөхийлөгч асан Х.Баттулгын зарлигыг үндэслэн гаргасан байдаг.
Тэгвэл прокуророос дээрх шүүхийн шийдвэрт эсэргүүцэл бичээд байсан бөгөөд тус прокурорын саналыг маргааш Давж заалдах шатны шүүхэд хэлэлцэх гэж байна.
