БНСУ-ын Сөүл хотын Юнсан дүүргийн Итэвон хороонд 10 дугаар сарын 29-ний орой болсон ослын улмаас 154 хүн нас барж, 133 хүн гэмтсэн бөгөөд нас барсан хүний 20 нь гадаадын иргэн байна.
Сөүлд суугаа ЭСЯ-наас Солонгосын цагдаагийн байгууллагатай өнөөдөр өглөө 10:00 цагт холбогдоход ослын улмаас монгол иргэний амь нас эрсэдсэн, гэмтэж бэртсэн тохиолдол байхгүй тухай мэдэгдсэн байна хэмээн Гадаад харилцааны яамнаас мэдээллээ.
Итэвон дүүрэгт болсон сүнсний баярын үеэр шахцалдаан үүсэж олон хүн амиа алдсан тул тус улсад арваннэгдүгээр сарын 5-ныг дуустал гашуудал зарлаад байна.
