Дэлхийн супер од дуучин Тейлор Свифт Midnights шинэ цомгийнхоо дөрвөн өөр "пянз" хувилбарыг гаргажээ. Тус бүр нь 29.99 ам.доллараар худалдаанд гарсан уг пянзнууд дэлхийн дээд амжилт тогтоожээ.
Пянз бол эргэлзээгүй цаг үеийнх байдаг. Spotify гэх мэт платформууд дуу хөгжмийн салбарын орлогын 68 орчим хувийг бүрдүүлдэг боловч пянз нь дуу худалдаж авдаг хүмүүсийн хамгийн түгээмэл формат юм.
2021 онд пянз нь сүүлийн 30 жилд анх удаа CD-н борлуулалтаас давсан байдаг. Өнгөрсөн жил CD-ийн борлуулалт ч өссөн бөгөөд дуучин Тейлор Свифт үүнийг анзаарсан аж. Тэрээр цомгийнхоо дөрвөн хувилбарыг CD хэлбэрээр мөн гаргаал амжжээ.
Тейлор Свифтийн Midnights хэмээх шинэ цомог нь хуучин бүх зүйл шинэчлэгдсэн хөгжмийн салбарынхны чихэнд чимэг болж буй.
Энэ далимд хэлэхэд, инстаргам дээр 26 мянган үзэлттэй манай Ерөнхийлөгчийн рийлсийн дэвсгэр дуу нь Тейлор Свифтийн All too well-ийн хэдэн хэсэг явна лээ. Свифтийн эксдээ зориулсан сонгодог дууг манай ерөнхийлөгч шинэ, залуу үеийн сонгогчдоо услах гэсэндээ л сонгож дэвсдэг байх даа, бодвол. Эсвэл зүгээр л бодолгүйгээр сонгодог байх, инста хөтөлдөг хүн нь...
О.Бадмаа