ХӨСҮТ-өөс улсын хэмжээнд хийсэн коронавируст халдварыг илрүүлэх шинжилгээний хариуг танилцууллаа.

ХӨСҮТ-ийн дэд захирал Э.Тэмүүлэн "Сүүлийн хоногт нийт 10,049 хүнд хийсэн коронавирусийн халдвар илрүүлэх шинжилгээний явцад 210 хүнээс халдвар илэрсэн. Ингэснээр нийт халдварын тоо 5186 болж байна. Илэрсэн 210 тохиолдлын 209 нь дотоодод бүртгэгдсэн.

Сүүлийн 24 цагт гадаадаас зөөвөрлөгдсөн буюу Будапешт-Улаанбаатарын онгоцоор ирсэн зорчигчдын дундаас нэг хүн халвар авсан нь батлагдлаа. 

Дотоодын халдварын 209 тохиолдлын 206 нь Улаанбаатарт, Хөвсгөл аймагт 3 тохиолдол бүртгэгдсэн. Халдвар авсан 210 хүнээс 185 нь ойрын хавьтал байна. 25 хүний халдвар авсан эх уурхайг тогтоохоор ажиллаж байна. 

Сүүлийн хоногт 129 хүн эмчлэгдэн эмнэлгээс гарснаар нийт эдгэрсэн хүний тоо 3,606 боллоо.  

Өнөөдрийн байдлаар нийт 1,407 хүн эмчлүүлж байгаагаас биеийн байдал нь хөнгөн 1,209, хүндэвтэр 180, хүнд 15, нэн хүнд 3 хүн байна.

Халдварын нөхцөл байдал улам хүндэрч байна. Та бүхэн халдвар хамгааллын дэглэмээ чанд сахиарай" гэлээ.