Улаанбаатар хотын хэмжээнд коронавирусийн эсрэг дархлаажуулалтын ажил өнгөрсөн Хоёрдугаар сарын 23-наас эхэлсэн билээ. 

Тэгвэл өнөөдрийн байдлаар вакцины эхний тунг хийлгэсэн хүний тоо 200 мянгыг даваад байна.

Гуравдугаар сарын 20-ны өдрийн 20:00 цагийн байдлаар 14,071 хүнийг вакцинд хамруулж, нийт 204,129 иргэн вакцины эхний тунг тариулжээ. Энэ нь Улаанбаатар хотын насанд хүрсэн таван хүн тутмын нэг нь вакцинд хамрагдсан гэсэн үг юм.

Вакцинжуулалтын төвөллөгөөний талаар Засгийн газрын Хэвлэл мэдээлэлтэй харилцах газрын дарга Ц.Ганзориг "Дөрөвдүгээр сараас вакцин татан авалт, хоёр дахь тунтай холбоотой өдөрт 30 мянгаас доошгүй хүнийг вакцинд хамруулна. 

Халдварын голомтууд идэвхтэй буй Улаанбаатар хотын хүн амыг вакцинд хамруулах хугацаа тавдугаар сарын дунд үе гэж төлөвлөсөн. Үүний дараагаар орон нутагт дархлаажуулалтын ажил өргөн хүрээнд өрнөнө" гэлээ.