/Yonhap/ БНСУ-ын хоёр дахь том агаарын тээвэрлэгч “Asiana Airlines” компанийн хувьцаа эзэмшигчид өрсөлдөгч болох Кореан Эйр компанитай нэгдэх саналыг дэмжсэнээр бараг зургаан жил үргэлжилсэн худалдан авах үйл явц дууслаа.
“Asiana” компани нэгдэх асуудлаар хувьцаа эзэмшигчдийн ээлжит бус хурлыг зохион байгуулсан бөгөөд хувьцаа эзэмшигчдийн ихэнх нь төрийн далбааг тээгч компанитай гэрээ байгуулахыг дэмжсэн байна. Кореан Эйр компани “Asiana”-г 1.8 их наяд воноор худалдан авахаар төлөвлөж байгаагаа 2020 оны 11 дүгээр сард мэдэгдсэн нь дэлхийн 10 дахь том агаарын тээврийн компани болоход чиглэсэн алхам юм.
"Нэгдсэний дүнд бий болох энэхүү аварга том компани нь Өмнөд Солонгосын агаарын тээврийн салбарт бичигдэх шинэ түүхийн эхлэл байх болно" гэж “Asiana” компанийн гүйцэтгэх захирал Сон Бо-ёнг хувьцаа эзэмшигчдийн хурлын үеэр сэтгүүлчдэд мэдэгдэв. Хоёр компани нислэгийн зайгаас хамаарсан урамшууллын хөтөлбөрүүдээ нэгтгэх бэлтгэл ажлыг хангахын зэрэгцээ Шударга өрсөлдөөний комиссоос гарах шийдвэрийг хүлээж байгааг тэрбээр мөн хэллээ.
Хоёр компанийн удирдлага нэгдэх гэрээнд тавдугаар сард гарын үсэг зурсан бөгөөд “Korean Air” нэртэйгээр 12 дугаар сарын 17-нд үйл ажиллагаагаа эхлүүлэхээр төлөвлөсөн байна. “Asiana Airlines” нэр цаашид дахин ашиглагдахгүй ажээ.
