/Kazinform/ Оросын төрийн өмчийн “Росатом” корпорац мэргэжилтнүүдээ Ираны “Бушер” АЦС руу буцаан илгээж байна. Одоо тэнд Оросын 25 мэргэжилтэн ажиллаж байгаа тухай ТАСС агентлаг мэдээлснийг Kazinform уламжиллаа.
“Росатом”-ын Ерөнхий захирал Алексей Лихачевын ярьснаар, эхний 5 инженер техникийн ажилтан хэдийн “Бушер”-ын талбайд ирснээрү мэргэжилтнүүдийн тоо 25-д хүрсэн байна. “Ойрын хоёр долоо хоногийн хугацаанд хэдэн арван хүнийг тийш нь илгээхээр төлөвлөж байгаа, гэхдээ АНУ, Ираны мөргөлдөөн даамжрахгүй тохиолдолд шүү дээ” хэмээн Лихачев ярилаа.
Ингэснээр намар гэхэд мэргэжилтнүүдийн тоо 100-д хүрэх ажээ. Одоо АЦС-ын талбайд 2 дугаар ба 3 дугаар блокуудын үндсэн ба туслах байгууламжуудыг тоноглох ажил, гидротехникийн байгууламжуудын бэлтгэл ажлууд явагдаж байгаа ажээ.
Энэ оны 3 дугаар сард Ойрх Дорнодод байдал хурцадсаны улмаас Иранд барьж буй “Бушер” АЦС-ын шинэ блокуудыг барих ажил зогссон юм. Үүний дараа Оросын мэргэжилтнүүдийг эх оронд нь буцаасан бөгөөд тоног төхөөрөмжийг хянах үүрэгтэй 20 орчим хүн Иранд үлджээ.
