Өнөөдөр болох үйл явдлын тойм...

08:00 цагт: Үндэсний их баяр наадмын урианхай сурын харваа сурын талбайд эхэллээ.

08:00 цагт: Үндэсний их баяр наадмын шагайн харвааны өсвөрийн багийн тэмцээн шагайн асарт үргэлжилнэ.  

08:00 цагт: Үндэсний их баяр наадмын шагайн харвааны ахмадын ангиллын багийн тэмцээн шагайн асарт эхэллээ. 

10:00 цагт: Монгол Улсын Ерөнхийлөгч У.Хүрэлсүх Үндэсний их баяр наадмыг тохиолдуулан салбар бүрдээ амжилт гаргасан хүмүүст төрийн дээд одон медаль гардуулна.

10:00 цагт: “Монголын нүүдэлчин ба адуу” олон улсын эрдэм шинжилгээний хурал үргэлжилнэ.  

11:00 цагт: Гаалийн ерөнхий газраас 2026 оны эхний хагас жилийн байдлаар илрүүлсэн зөрчил, албан хаагчдын шилжилт хөдөлгөөн, сахилга хариуцлагад авсан арга хэмжээ, мөн Үндэсний их баяр наадмын нийтээр амрах өдрүүдэд гаалийн байгууллагын ажиллах зохион байгуулалтын талаар мэдээллийг Гаалийн ерөнхий газрын байранд болно.

11:00 цагт: “Компанийн  нэр хүндэд халдсан АНОД Даваагийн үнэн төрх” сэдвээр МММОН хувьцаат компаниас мэдээлэл хийнэ.

14:00 цагт: Баяр наадмын амралтын өдрүүдийг угтан Онцгой байдлын байгууллагаас гол, усны ослын нөхцөл байдал, хийж буй ажил, урьдчилан сэргийлэх мэдээ, мэдээллийг БЗД-ийн нутаг дэвсгэр дэх “Адам Ева” цогцолборт зохион байгуулна.

Үзэсгэлэн:

-Зураач Б.Батжингийн “Цаг хугацааны өнгө” бие даасан үзэсгэлэн “HUE” арт галерейд гарч байна. 

-Г.Занабазарын нэрэмжит Дүрслэх урлагийн музейд “Гайхамшигт хүлэг морьд давхих газар” үзэсгэлэн гарч байна.

Орон нутагт:

Дорноговь: Тулгар төрийн 2235, Их Монгол Улс байгуулагдсаны 820, Ардын хувьсгалын 105, Ардчилсан хувьсгалын 36, Дорноговь аймаг байгуулагдсаны 95 жилийн баяр наадам үргэлжилж байна.  

Өвөрхангай: Хархорум музейд “Хубилай хааны усан флот” сэдэвт гэрэл зургийн тусгай үзэсгэлэн 8-р сарын 30-ныг хүртэл гарна.

Хилийн чанадад:

ОХУ: Москва хотын Кремлийн музейд “Чингис хааны удмынхан: Оросууд ба даян дэлхий” үзэсгэлэн 7 дугаар сарын 19-нийг хүртэл гарна.

Итали: Венецийн дүрслэх урлагийн олон улсын 61 дэх удаагийн биеннальд Монголын уран бүтээлчид “Сүлжилдээн: Хил дамнасан холбоосууд” үзэсгэлэнгээр 11 дүгээр сарын 22-ныг хүртэл оролцоно.