Одоогоос 13 хоногийн өмнө буюу энэ сарын 16-нд Хан-Уул дүүргийн 2 дугаар хороо, Энхтайваны гүүрэн дээрээс автомашин унасан осол, гүүрний хашлага эвдэрсэн. Үүнээс хойш 10 гаруй хоногийн дараа буюу 27, 28-нд замын хөдөлгөөнд саад учруулахгүй байх зорилгоор шөнийн 23:00-06:00 цагийн хооронд засварын ажлыг эхлүүлж, “Гоц тех инженеринг” ХХК бетон хайсны эвдэрсэн хэсгүүдийг зайчлан шинээр хэв хашмал зангидаж, цутгалтын ажлыг хийжээ. Одоогоор зүлгүүр, будаг болон тоноглол хийх ажил үлдсэн байна.
