“Аюулгүй амьдрах ухаан” сургалтад Сүхбаатар сумын ерөнхий боловсролын сургуулиуд, Спорт сургууль болон Хөдөө аж ахуйн их сургуулийн харьяа Политехник коллежийн ахлах ангийн нийт 800 гаруй сурагчийг хоёр ээлжээр хамрууллаа.

Тус сургалтыг Гамшгаас хамгаалах олон нийтийн сургалтын төвийн 116 дугаар анги, Дэлхийн зөн Монгол ОУБ, Сэлэнгэ аймгийн ИТХ, ЗДТГ, Онцгой байдлын газар, Боловсролын газар хамтран зохион байгуулж, ахлах ангийн сурагчдад “Аюулгүй амьдрах ухаан” сэдвийн хүрээнд гамшгаас урьдчилан сэргийлэх мэдлэг олголоо.

Энэхүү үйл ажиллагааны хүрээнд сурагчдад гамшиг, эрсдэлийн талаарх мэдлэг, чадвар эзэмшүүлэх, ахуйн осол, гамшгаас өөрийгөө болон бусдыг урьдчилан сэргийлэх, хамгаалах, бэлэн байдлаа хангах, шаардлагатай үед анхан шатны тусламж үзүүлэх дадал хэвшүүлэхэд чиглэсэн сургалт зохион байгуулж байна.

Мөн “Хүмүүжил ба эх орон”, гамшгаас хамгаалах анхан шатны ойлголт, галын аюулгүй байдлын талаарх мэдлэг, ойлголтыг сурагчдад олгож байгаа юм.

Сургалтыг Гамшгаас хамгаалах олон нийтийн сургалтын төвийн 116 дугаар ангийн захирагч, бригадын генерал Б.Ууганбаяр, ахмад Б.Золзаяа, хошууч Б.Уянга нар удирдан явууллаа.