Архангай аймагт 2026 оны зун аялал жуулчлалын салбарыг дэмжих, олон улсын болон дотоодын жуулчдыг татах зорилготой томоохон наадам, баярыг зохион байгуулна.

-2026.6.27, 28, 29 - Гэсэр багшид хүндэтгэл илэрхийлэх даншиг наадам

-2026.7.1-31 - АРА фестиваль

-2026.7.10, 11 - Аймгийн баяр

-2026.8.5 -Тайхарын тойром /шагайн харваа/

-2026.8.7 - Орхоны хөндийн адуучдын баяр /Хашаат сум/

-2026.8.8 - Айргийн баяр 2026 /Хотонт суманд/

-2026.12.3 - Булган уулын түмэн зулын баяр зэрэг үйл ажиллагааг зохион байгуулна.

Архангай аймаг сүүлийн жилүүдэд аялал жуулчлалыг хөгжүүлэх чиглэлд олон талт ажил хэрэгжүүлж, малчид, иргэд, хувийн хэвшлийн оролцоог нэмэгдүүлэн ажиллаж байна. Үүний үр дүнд сүүлийн гурван жилийн хугацаанд тус аймгийг зорин ирэх жуулчдын тоо тогтмол өсжээ. Тодруулбал, 2023 онд дотоодын 297 мянга, гадаадын 20 мянга орчим, 2024 онд дотоодын 412 мянга, гадаадын 20 мянга гаруй, 2025 онд дотоодын 510 мянга орчим, гадаадын 32 мянга орчим жуулчин иржээ.

Энэ жил аялал жуулчлалын чиглэлээр үйл ажиллагаа явуулдаг аж ахуйн нэгжүүд ялангуяа АРА фестиваль жуулчдыг дайран өнгөрүүлэхээс илүүтэйгээр хонуулах чиглэлд үйлчилгээгээ чиглүүлж ажиллана гэв.