Хотын дарга Х.Нямбаатар өчигдөр (2026.03.30) 1 цаг 57 минутын турш лайв хийхдээ "Туулын хурдны зам бол хөгжил. Хөгжлийг эсэргүүцэж байгаа хүмүүсийг хүний өөрийнгүй зарлана, лайвдана. Намайг зогсоож чадахгүй" хэмээн хүний, өөрийнгүй загнасан билээ. Хотын дарга НИТХ-ийн пэйжээр зар тарааж цуглуулсан намын гишүүд, үүр хороодын дарга нар, мөн ТББ-ынхныг дагуулан Туул голын хойд эрэг дагуу алхангаа лайв хйиж, УИХ-ын гишүүн, Соёлын сайд асан Л.Оюунгэрэлийн гадаа очиж, түүнийг гэрээсээ гарч ирэхийг шаардаж, "Хотын бүх бүтээн байгуулалтыг эсэргүүцдэг эмгэгтэй, гадаад нөхөртэй, сайд байхдаа гэмт хэрэг хийсэн" гэх мэтээр дайрчээ.

Тэгвэл Ц.Оюунгэрэл гишүүн асан ч мөчөөгөө өгсөнгүй. Өөрийн соошил хуудсаар дамжуулан "Хотын дарга Нямбаатар СХД-ийн хэсгийн ахлагч нараа дагуулан манай гадаа ирлээ. Х.Нямбаатартай Туулын хурдны замын талаар мэтгэлцэхэд би бэлэн байна. Танд долоо хоногийн хугацаа өгье. Аль телевизэд хэзээ, хэдэн цагт очихыг хэлчихвэл би шууд яваад очно. Би хангалттай судалсан тул энэ төслийг эхлүүлж болохгүй гэдэг шаардлагыг хэд хэдэн байгууллага руу явуулсан. Х.Нямбаатар даргад төслөө судлах хугацаа өгье" гэсэн байна.  

Мөн хотын даргыг дэмжигчдийн нэг нь Ц.Оюунгэрэлийн амьдардаг хотхоны хашааг давуулан чулуу шидэж, цагдаагийн алба хаагч түүнд анхааруулга өгч зогсоожээ. Хан-Уул дүүргийн цагдаагийн алба хаагчид хотын дарга болон түүний дэмжигчдийг дагалдаж, хяналт тавьж ажилласнаар эмх замбараагүй байдал үүсэхээс сэргийлж чадсан байна.