Аж үйлдвэр эрдэс баялгийн сайд Г.Дамдиннямаар ахлуулсан АҮЭБЯ, БОУАӨЯ-ны хамтарсан ажлын баг энэ сарын 21, 22-ны өдрүүдэд Сэлэнгэ аймагт ажиллалаа.
Ажлын баг Ерөө сумын Бугант тосгонд ажиллах үеэрээ Монгол Улсын хууль журмыг үл тоон үйл ажиллагаа эрхэлсэн "Хризо праза групп" ХХК-ийн уурхайн талбайд газар дээр нь ажиллаж, БОУАӨЯ-наас гаргасан дүгнэлтийг үндэслэн ашиглалтын тусгай зөвшөөрлийг цуцлах үүргийг АМГТГ-т өглөө.
Мөн хууль бусаар ашигт малтмал олборлох чиглэлээр үйл ажиллагаа явуулж байсан нэр бүхий 7 ААН-ийн үйл ажиллагааг цуцлах арга хэмжээ авахаар болсон байна.
Энэ удаагийн ажлын багийн бүрэлдэхүүнд АҮЭБЯ, БОУАӨЯ, ЦЕГ, Экологийн цагдаагийн алба, Тагнуулын ерөнхий газар, Ашигт малтмал, газрын тосны газар Сэлэнгэ аймгийн ЗДТГ, аймгийн БОГ, аймгийн Цагдаагийн газар, Тагнуулын газар зэрэг байгууллагын албан хаагчид хамтран ажиллалаа.
2026 он гарсаар Сэлэнгэ аймгийн Засаг даргын А/29 дүгээр захирамжаар байгуулсан ажлын баг удаа дараа хяналт шалгалт, нүүлгэн шилжүүлэлтийн ажлыг зохион байгуулж, холбогдох арга хэмжээг авч ажиллаж байна.
