Энэ сарын 18-нд буюу Монгол цэргийн өдрөөр ажил тарсан хойно ажлын байрандаа архидан согтуурч, биеэ зүй бусаар авж явсан Хөдөлмөр халамжийн үйлчилгээний ерөнхий газрын дарга нарын бичлэг нийгмийн сүлжээнд тавигдсан нь олон нийтийн бухимдлыг төрүүлээд байгаа. Ажлын байрандаа архидан согтуурсан нөхөд нь Хөдөлмөр, халамж үйлчилгээний ерөнхий газрын Ажиллах хүч, шилжилт хөдөлгөөн зохицуулалтын газрын дарга А.Сэрээтэр, Хөдөлмөрийн бодлогын хэрэгжилтийн газрын даргын албан үүргийг түр орлон гүйцэтгэгч М.Эрдэнэбулган нар байжээ.

Хөдөлмөр, халамж үйлчилгээний ерөнхий газрын дарга З.Бауыржан өчирдөр /2026.03.19/ тушаал гаргаж, ёс зүйн ноцтой зөрчил гаргасан дарга нарыг ажлаас нь чөлөөлсөн байна. Мөн цагдаагийн байгууллага дээрх дарга нарт зөрчлийн хэрэг үүсгэн шалгаж байна.