“Брайл цонх” төслийн хүрээнд аймгийн хэмжээнд харааны бэрхшээлтэй иргэдэд зориулсан брайл бичгийн сургалтыг зохион байгуулж байна. Өнөөдрийн сургалтад харааны бэрхшээлтэй 12 иргэн, төрийн үйлчилгээний байгууллагын 25 албан хаагч хамрагдлаа.
Энэхүү төслийг Булган аймгийн Засаг даргын Тамгын газар, Монголын хараагүйчүүдийн үндэсний холбоо, "Ариун бичээс" нийгэмлэгтэй хамтран хэрэгжүүлж, сургалтын нэгдүгээр шатыг эхлүүлээд байна.
Төслийн хүрээнд 50-иас дээш хувийн харааны бэрхшээлтэй иргэд 14 хоногийн сургалтад хамрагдаж, брайл үсэг унших, бичих анхан шатны мэдлэг, чадварыг эзэмших юм.
“Брайл цонх” төсөл нь харааны бэрхшээлтэй иргэдийн боловсрол эзэмших боломжийг нэмэгдүүлэх, нийгмийн оролцоог дэмжих, мэдээллийн хүртээмжийг сайжруулахад чиглэж буйгаараа онцлогтой юм.
Уулзалтын үеэр Засаг дарга Д.Пүрэв-Очир аймагт амьдарч буй харааны бэрхшээлтэй иргэдийн санал, хүсэлтийг сонсож, тэдний нийгмийн оролцоог нэмэгдүүлэх, боловсрол болон мэдээллийн хүртээмжийг сайжруулах чиглэлээр дэмжлэг үзүүлж, хамтран ажиллахад анхаарч ажиллахаа илэрхийллээ.
