-Өнөөдөр болох үйл явдал-

Гадаад харилцааны сайд Б.Батцэцэг Шведийн Хаант Улсын Гадаад хэргийн сайд Мариа Малмер Стенергардын урилгаар тус улсад албан ёсны айлчлал хийж байна.

09:30 цагт: Экспортлогчдод зориулсан нээлттэй өдөрлөг Хөрөнгө оруулагчийн эрх ашгийг хамгаалах төвд болно.

11:00 цагт: Олон улсын эмэгтэйчүүдийн эрхийг хамгаалах өдрийг угтан “1000 эмэгтэй, 1000 Амьдрал” нийгмийн хэлэлцүүлэг Төрийн ордны “Их Монгол” танхимд болно.

11:00 цагт: “Италта” брэндийн үүсгэн байгуулагч С.Алтансүх Хятадаас орж ирж буй цэцэг хэрхэн хор ялгаруулж, монголчууд өөрсдөө мэдэлгүй чимээгүй хордож байгаа талаар Үндэсний мэдээллийн төвд мэдээлэл хийнэ.

17:00 цагт: Монгол Улсын Ерөнхийлөгчийн ивээл дор зохион байгуулдаг “Монголын байгалийн шилдэг гэрэл зураг-2025” олон улсын уралдааны шилдэг бүтээлийн үзэсгэлэнг Байгалийн түүхийн музейд нээнэ.

18:00 цагт: Монгол, Японы бизнес уулзалт "Галлериа Улаанбаатар"-ын “Grand Ballroom” танхимд болно.

-Сонсголын бэрхшээлтэй иргэдийн өдөр тохиож байна.

-“Музейн нээлттэй өдрүүд” -ийг энэ сарын 7-ныг хүртэл зохион байгуулна.

-МҮХАҮТ-ын “Нээлттэй өдрүүд" Хөрөнгө оруулагчдын эрх ашгийг хамгаалах төвд энэ сарын 4-нийг хүртэл болно.

-Мазаалай баавгайг хамгаалах өдрийг тохиолдуулан танин мэдэхүйн нээлттэй өдөрлөгийг энэ сарын 6-ныг хүртэл Цэнгэг усны нөөц, байгаль хамгаалах төвд зохион байгуулна.

-“Оюутан цэрэг” сургалтын бүртгэл энэ сарын 10-ныг хүртэл үргэлжилнэ.

-“Мөнгөн мод 2025” наадмын материалыг энэ сарын 10-ныг хүртэл хүлээн авна.

-"Мөрөөдлийн мөсөн цэнгэлдэх-2025” Төв цэнгэлдэх хүрээлэнд энэ сарын 10-ныг хүртэл үргэлжилнэ.

-"Хаан" галерей 2026-2027 оны үзэсгэлэнгийн сонгон шалгаруулалтын материалыг энэ сарын 30-ныг хүртэл хүлээн авна.

Үзэсгэлэн:

-Уран бүтээлч Я.Бат-Ирээдүй “Бийрийн салхи” бие даасан үзэсгэлэн МУЭ-ийн арт галерейд энэ сарын 5-ныг хүртэл гарна.

-МУЭ-ийн гишүүн зураач МУСТА Л.Даваанямын “Хүн цэцэг” бие даасан үзэсгэлэн “Hue art gallery”-д энэ сарын 14-ныг хүртэл гарна.

-“Монгол төрийн мэргэн сайд Агданбуугийн Амар-140 жил” үзэсгэлэн Монголын Үндэсний музейд энэ сарын 15-ныг хүртэл олон нийтэд хүрнэ.

-“Нэг өдрийн цагаан дара эх” үзэсгэлэн энэ сарын 16-ныг хүртэл Богд хааны ордон музейд гарна.

Хилийн чанадад:

-ХБНГУ-ын Берлин хот дахь Messe Berlin үзэсгэлэнгийн танхимд Дэлхийн аялал жуулчлалын салбарын тэргүүлэгч үзэсгэлэн “ITB Berlin” 60 дахь удаагаа болно.

-Италийн Турин хотын Дорно дахины урлагийн музейд “Занабазар: Тал нутгийн мэлмий” сэдэвт үзэсгэлэнг дөрөвдүгээр сарын 7-ныг хүртэл олон нийтэд толилуулна.

Орон нутагт:

Хөвсгөл аймгийн Хатгал тосгонд “Хөх сувд-2026” олон улсын мөсний баяр болж байна.