"Мансууруулах эм, сэтгэцэд нөлөөт бодисын эргэлтэд хяналт тавих тухай" хуулийн шинэчилсэн найруулгын төслийг УИХ-ын хаврын чуулганаар хэлэлцэнэ.
Анх 2002 онд “Мансууруулах эм, сэтгэцэд нөлөөт бодисын эргэлтэд хяналт тавих тухай” хуулийг баталсан. Хууль зүйн, үндэсний хүрээлэнгийн мэдээлснээр, одоогоор манай улсад хүчин төгөлдөр үйлчилж байгаа 937 хуулиас 59 хуульд мансууруулах эм, сэтгэцэд нөлөөт бодистой холбоотой харилцааг зохицуулсан 156 зүйл, 204 заалт байна.
Судалгаагаар сүүлийн есөн жилд энэ төрлийн гэмт хэрэгт 2422 хүн холбогдож, 1117 хүн ял шийтгүүлж, 49 хүн амь насаа алдсан байна.
Мансууруулах бодис хэрэглэгчдийн 91.2 хувийг 13-35 насны хүүхэд, залуучууд эзэлж байгаа аж.
