Монгол орны хойморт орших Хөвсгөл аймгийг зорин ирж буй аялагчдад зориулсан “Тайга” фестиваль өнгөрсөн жил анх удаа амжилттай зохион байгуулагдсан.
Энэ жил 7 дугаар сарын 14-17-ы өдрүүдэд Хөвсгөл аймгийн Алаг-Эрдэнэ суманд “Тайга” фестивалийг хийхээр болжээ.
Тус аймагт энэ онд Алаг-Эрдэнэ сум түүхт 100 жилийн ойгоо 7 дугаар сарын 17-19-ий өдрүүдэд тэмдэглэх юм.
Түүхт ойг угтаж дөрөв хоногийн турш өдөр бүр өөр өөр хөтөлбөртэй тус фестиваль нь Монголын шилдэг уран бүтээлчид, дуу хөгжмийн хамтлагууд, уран сайхны тоглолтууд, үндэсний өв соёлыг шингээсэн үзүүлбэрүүдийг толилуулах юм байна.
“Тайга” фестиваль зөвхөн хөгжмийн үйл ажиллагаа биш бөгөөд байгаль, аялал жуулчлал, соёлын уур амьсгалыг хослуулсан цогц арга хэмжээ болдгоороо онцлог юм.
Хөвсгөл нутгийг зорин ирсэн аялагч иргэд байгалийн сайхныг мэдрэнгээ амьд хөгжмийн тоглолт, урлагийн үзүүлбэр, гар урлалын үзэсгэлэн үзэж, үндэсний хоол амтлах зэрэг олон сонирхолтой үйл ажиллагааг сонирхох боломж бүрдэх юм байна.
