Олон сая үзэгчийг байлдан дагуулсан Нэтфликсийн алдарт “Physical:Asia” шоунд оролцсон Азийн шилдэг багуудын нэг нь алдарт тулаанч Мэнни Пакъяо, рагбигийн тамирчин Жастин Ковеней нараар ахлуулсан Филиппиний баг юм.

Тэгвэл тус Филиппиний багийн ахлагч Жастин Ковеней гэргийн хамт Монгол Улсад иржээ. Тэд гурван хүүхдийн аав, ээж юм байна. Тэрбээр Мэнни Пакьяог шоуг орхиж, нутаг буцсаны дараа багаа ахалж үлдэн “Physical:Asia” дахь тэмцлээ үргэлжлүүлсэн юм.

Ковеней цахим хуудастаа “Монголд хүйтэн байгаа ч дулаахан зүйл нь шоунд хамтдаа оролцсон найзуудтайгаа уулзах юм” хэмээн цахим хуудастаа холимог тулаан Б.Энх-Оргил, жүдо бөхийн олон улсын хэмжээний мастер А.Адъяасүрэн, Э.Дөлгөөн нартай уулзсан тухайгаа дурдсан байна. Өдгөө 40 настай Ковеней Филиппиний рагбигийн шигшээ багийн тоглогч бөгөөд инстаграммдаа 60 мянган орчим дагагчтай ажээ.

Түүний хувьд “Чингис хаан” үндэсний музейд зочлохын сацуу өчигдөр Сэлэнгийн “Бодонгууд” багт тоглож буй Э.Дөлгөөний найзынхаа тоглолтыг үзсэн байна.