“Дэлхийн адууны өдөр”-ийг долоодугаар сарын 11-13-нд тэмдэглэнэ.

Монгол Улсын Шадар сайд Х.Ганхуягаар ахлуулсан “Дэлхийн адууны өдөр”-ийг зохион байгуулах ажлын хэсэг хоёр дахь удаагаа хуралдаж, дэд ажлын хэсгүүдийг төлөвлөгөөний дагуу шуурхай ажиллахыг Шадар сайд үүрэг болгов.

Мөн монгол ёс заншил, соёл уламжлалыг гадаадын улс орнуудад сурталчлан таниулах, аялал жуулчлалыг хөгжүүлэх, монгол адууны өв соёлыг хадгалан хамгаалах, өргөжүүлж хөгжүүлэх, түгээн дэлгэрүүлэх ажлын нарийвчилсан төлөвлөгөө, төсөв зэргийг хэлэлцсэн байна. Түүнчлэн нүүдэлчдийн соёлд суурилсан мал аж ахуй, ногоон хөгжлийн хөтөлбөр боловсруулах, морин заслын дэд эмчилгээний төв байгуулах, малчдын дунд цахим дэд бүтцийг нэвтрүүлэх, гадаадад үүрэг гүйцэтгэсэн монгол морьдыг эх оронд нь авчрах чиглэлээр дэд ажлын хэсгийн төлөвлөгөөг ярилцжээ.

Өнгөрсөн онд улсын хэмжээнд хийсэн мал тооллогын урьдчилсан дүнгээр манай улс ойролцоогоор 5.1 сая толгой адуутай байна.