2006 онд тухайн үеийн Малайзын ерөнхий сайд асан Нажиб Разак зэрэг албан тушаалтнуудын бие хамгаалагчдын гарт амиа алдсан Шаарийбуугийн Алтантуяагийн гэр бүл Малайзын засгийн газраас нөхөн төлбөр нэхэмжилсэн боловч шүүх засгийн газрын давж заалдах гомдлыг хангаж шийдвэрлэснээр Ш.Алтантуяагийн гэр бүл ялагдсан тухай “The Straitstimes” сонинд мэдээлжээ.
Давж заалдах шатны шүүх 18 жил гаруйн өмнө Ш.Алтантуяагийн гэр бүлийн гаргасан иргэний нэхэмжлэлийг хүчингүй болгох засгийн газрын хүсэлтийг хүлээн авсан гэж шүүгч Муниандхи Канниаппан нэгдүгээр сарын 20-нд буюу өнөөдөр цахимаар хийсэн хэвлэлийн хурлын үеэр мэдэгджээ.
Ийм шийдвэр гарснаар монгол бүсгүйг хэрцгийгээр хөнөөсний дараахан эхэлсэн шүүхийн үйл явц Малайзын дээд шүүх хүртэл үргэлжилж магадгүй байна. Ш.Алтантуяагийн гэр бүлийг төлөөлж байгаа өмгөөлөгч Сангит Каур Део хэлэхдээ, Ш.Алтантуяагийн гэр бүл энэ шийдвэрийг Холбооны улсын шүүхэд давж заалдахаар төлөвлөж байна гэжээ.
Гурван гишүүнтэй шүүх бүрэлдэхүүн Абдул Разак Багиндагийн давж заалдах нэхэмжлэлийг хэрэгсэхгүй болгож, Ш.Алтантуяагийн гэр бүлд 1.38 сая гаруй ринггитийн (438.316 сингапур доллар) нөхөн төлбөр олгуулах шийдвэр гаргасан байна. Нажиб Разакийн зөвлөх байсан Абдул Разак шүүхийн шийдвэрийг давж заалдах эсэх талаар тайлбар өгөөгүй байна.
Эх сурвалж: The Straitstimes
