-2026 оны нэгдүгээр сарын 19-25-нд болох үйл явдлын тойм-

Улаанбаатарт:

19-нд: Монгол Улсын нийгэм, эдийн засгийн 2025 оны урьдчилсан гүйцэтгэл танилцуулах хэвлэлийн хурал Үндэсний статистикийн хороонд болно.

20-нд: Нийслэлийн хүн амын хаврын улирлын махны хэрэгцээнд зориулан нөөцийн махыг есөн дүүргийн 410 цэгээр худалдаж эхэлнэ.

Монгол Улсын Их Сургуулийн Монгол хэл, хэл шинжлэлийн тэнхим Академич Ш.Лувсанванданы мэндэлсэн өдрийг дурсан хүндэтгэж, жил бүрийн 1 дүгээр сарын 20-ны өдрийг “Лувсанванданы өдөр” хэмээн нэрлэж, эрдмийн баяр болгон тэмдэглэнэ.

21-нд: Засгийн газрын хуралдаан болно.

23-25-нд: Монголын үндэсний спортын VIII наадам Цонжинболдогт болно.

Улсын Хүүхэд залуучуудын театр “Аддамсын гэр бүл” дэлхийн алдарт мюзикл жүжгийг албан ёсны онцгой эрхтэйгээр тоглоно.

24-нд: Монголын Үндэсний Бөхийн Холбооны Алтан цомын барилдаан болно.

"Талын жавхаа-2026" адууны соёлын өдөрлөг Чингис хааны хүрээ аялал жуулчлалын цогцолборт болно.

Цагаан сарын үзэсгэлэн худалдаа 10 дахь жилдээ "Хүннү шоппинг молл"-ын экспо танхимд өдөр бүр болно.

25-нд: Сумын цолтон болон залуу бөхчүүдийн ээлжит барилдаан болно.

-2026 оны цэргийн бүртгэл Е-mongolia системээр орон даяар нэгдүгээр сарын 23-ныг хүртэл үргэлжилнэ.

-“Монголчуудын уламжлалт хувцас, гоёл чимэглэл”  үзэсгэлэн Монголын үндэсний музейд  2026 оны 2 дугаар сарын 2-ныг хүртэл гарна. 

-"Хүнсний зориулалттай дахин боловсруулсан PET хуванцар савлагааг хэрэглээнд нэвтрүүлэх тухай" сэдэвт уралдааны бүтээлийг 2026 оны хоёрдугаар сарын 2-ныг хүртэл хүлээн авна.

-Монголын үндэсний мэдээллийн МОНЦАМЭ агентлагаас орон нутгийн түүх, соёлын үнэт өв, иргэдийн аж амьдрал, онцлог, уламжлалыг олон нийтэд сурталчлан таниулах, өвлүүлж хамгаалах ажлыг дэмжин #АМИННУТАГ сэдэвт видео контентын уралдааныг орон нутгийн хэвлэл мэдээллийн байгууллага, уран бүтээлчид, сонирхогчдын дунд зарлаж байна. Бүтээлийг 2026 оны 3 дугаар сарын 1-нийг хүртэл хүлээн авна.

“Мөрөөдлийн мөсөн цэнгэлдэх-2025” Төв цэнгэлдэх хүрээлэнд 2026 оны гуравдугаар сарын 10-ныг хүртэл үргэлжилнэ. 

Орон нутагт:

23-25-нд: Хэнтий аймагт насанд хүрэгчдийн жодочдын УАШТ зохион байгуулна.

24-нд: Говь-Алтай аймгийн “Их говийн тэмээний баяр” болно.

24, 25-нд: Дундговь аймгийн Мандалговь суманд Монгол Улсын Ерөнхийлөгчийн ивээл дор “Тэмээн дээрээс наран ойрхон” өвлийн их наадам, Тэмээчдийн V зөвлөгөөн болно.

Завхан аймгийн Улиастай сумын аварга шалгаруулах ширээний теннисний тэмцээн Баруун бүсийн тамирчдыг олимпод бэлтгэх төвд болно.

25-нд: Дархан-Уул аймагт “ мөсний загасчлалын “Дархан цом-2025” тэмцээн болно.

Сэлэнгэ аймагт “Аймгийн начин” цолтой бөхчүүдэд зориулсан барилдаан болно.

 Хилийн чанадад:

-БНХАУ-ын ӨМӨЗО-ы Эрээн хотод “Хятад-Монголын цагаан сарын үзэсгэлэн худалдаа” 7 дахь жилдээ /энэ сарын 25-ныг хүртэл/ гарна.

 -Швейцарын Цюрих хотын Ритберг музейд “Монгол орон: Цаг хугацааны аялал буюу Mongolia-A Journey Through Time” тусгай үзэсгэлэн 2026 оны 2 дугаар сарын 26-ныг хүртэл үргэлжилнэ.