, 2026 оны нэгдүгээр сарын 8Сүүлийн үед “Тайландын хилээр нэвтрэх цахим хуудсыг 10-50 ам.доллараар бөглөж, гаалиар саадгүй нэвтрүүлнэ” гэх агуулга бүхий цахим залиланд өртөх иргэдийн тоо нэмэгдсэн байна.
Гэтэл уг цахим хуудас нь үнэ төлбөргүй, бүх төрлийн гадаад паспорт эзэмшигчид тус улс руу зорчихоос гурван өдрийн өмнө “https://tdac.immigration.go.th” холбоосоор нэвтэрч мэдүүлдэг. Тайландын Хаант Улсын Засгийн газар өнгөрсөн оны тавдугаар сарын 1-ний өдрөөс эхлэн “Thailand Digital Arrival Card” цахим хуудсыг хилээр нэвтрэх үйл ажиллагаандаа нэвтрүүлсэн. Энэхүү цахим хуудас өмнө нь ашиглаж байсан цаасан суурьт “ТМ.6” маягтыг орлож буй.
Иргэдийн хувийн болон төлбөрийн картын мэдээллийг хууль бусаар олж авах тохиолдол бүртгэгдсээр байгаа тул иргэд цахим залилангийн хохирогч болох эрсдэлээс урьдчилан сэргийлэхийг тус улсад суугаа ЭСЯ мэдээллээ.
