НҮБ-ын Ерөнхий Ассамблейн 79 дүгээр чуулганы 2025 оны зургаадугаар сарын 3-ны өдрийн хуралдаанаар Монгол Улсын Ерөнхийлөгч У.Хүрэлсүхийн санаачилсан “Дэлхийн адууны өдөр”-ийн тухай тогтоолыг хэлэлцэн баталсан. Энэ жил Дэлхийн адууны өдрийг тэмдэглэх 56 орны 10000 морьтон цуглах баярыг Монголд анх удаа зохион байгуулах гэж байна.
Уг үйл ажиллагаа Хүй долоон худагт долоодугаар сарын 11-13-нд болно. Энэ үеэр морьтны гайхамшгийг мэдрүүлэх олон хөтөлбөр боловсруулж байгаа бөгөөд энтертайнмент, морин эмчилгээ, засал, соёл болон 21 аймгийн өв тээгч гэсэн таван хүрээг байгуулахаар урьдчилсан байдлаар тогтжээ.
Манай улс одоогоос 13 жилийн өмнө буюу 2013 онд дэлхийн дээд амжилтын Гиннесийн номонд бүртгүүлэх 3000 морины уралдаан, үндэсний дээл хувцас, эмээл хазаартай 10 мянган морьтны жагсаалыг Хүй долоон худагт зохион байгуулж байсан юм.
Ташрамд дурдахад, НҮБ-ын Хүнс, хөдөө аж ахуйн байгууллагын тооцооллоор дэлхий дээр 60.8 сая морь байдаг гэх судалгааг 2023 онд гаргасан байна.
