Улаанбаатар хотын алсалсан газруудад хурд хэтрүүлсний улмаас авто замын зөрчил, ослын тоо буурахгүй байна.
Тухайлбал, 22-ын товчоо, 61-ын гарам, Хонхор, Багануур, Налайх, Эмээлт, Баянзүрхийн товчооны замд осол аваар хамгийн их гардаг. НИТХ-ын дарга бөгөөд Нийслэлийн гэмт хэргээс урьдчилан сэргийлэх салбар зөвлөлийн дарга А.Баяр хурд хэтрүүлсний улмаас гарч буй зам тээврийн осол, аваарыг бууруулах бодлогын хүрээнд дундаж хурдны MNS стандартыг боловсруулахыг Хот байгуулалт хотын стандартын газар үүрэг болгосон. Харин тус газраас Дундаж хурдны MNS стандартыг боловсруулж Стандарт, хэмжилзүйн газарт хүргүүлжээ.
Энэхүү стандартыг баталснаар техникийн үзүүлэлтийг тодорхойлж, зам тээврийн осол буурах үндэс болно гэж албаныхан үзсэн байна.
