Нэтфликсийн "Physical: Asia" шоуны багийнхан Монголд тусгай нэвтрүүлэг бэлтгэхээр өнгөрсөн сард манай улсад ирсэн билээ.
Тэд Монголын өвлийн аялал жуулчлалд зориулан “Монголд тавтай морил” дөрвөн ангит нэвтрүүлэг хийж, Солонгост цацсан. Тэгвэл өнөөдрөөс дэлхий дахинд англи хадмалтай үзэх боломжтой болж байна. Нэвтрүүлэгт улсын арслан Б.Орхонбаяр, уран нугараач Э.Лхагва-Очир, Солонгосын холимог тулааны тамирчин Ким Дон Хён, Австралийн хүчтэн Эдди Виллиамс, Солонгосын кроссфитийн шилдэг тамирчин Амотти нар оролцсон билээ.
Оролцогчид "Physical: Asia" шоуны Монголын багийн ахлагч, улсын арслан Б.Орхонбаярын зохиосон маршрутын дагуу нэвтрүүлгийн зургийг авсан бөгөөд монголчуудын өдөр тутмын амьдрал, соёлтой танилцаж, уран нугараач Л.Лхагва-Очирын тусгай үзүүлбэрийг үзэхийн сацуу үндэсний сурын харваа болон бусад сонирхолтой хөтөлбөрт хамрагдсан байна.
