Завхан аймагт энэ онд хийсэн хөрөнгө оруулалт бүтээн байгуулалтуудаас цэвэрлэх байгууламжийг ашиглалтад оруулсан үйл явдлыг аймгийн ЗДТГ-аас онцлохоор нэрлэжээ.
Завхан аймгийн төв, Улиастай суманд улсын төсвийн хөрөнгө оруулалтаар цэвэрлэх байгууламжийг 11-р сард ашиглалтад оруулжээ.
Цэвэрлэх байгууламж нь хоногт 3000 м3 бохир ус цэвэрлэх хүчин чадалтай, лагийг боловсруулж бордоо гаргах. Бохир усыг 90 гаруй хувьтай цэвэрлэж, саарал усыг ашиглах бүрэн боломжтой юм. Цэвэрлэх байгууламжийн хүчин чадал нь хуучнаасаа гурав дахин нэмэгдсэн төдийгүй байгальд ээлтэй, орчин үеийн агааржуулалтын системтэй, автоматжуулсан цэвэрлэх байгууламж юм.
Энэхүү төслийг Монгол Улсын Засгийн газар, Польш Улсын Засгийн газар хоорондын гэрээний хүрээнд талууд хамтран хэрэгжүүлсэн байна. Энэхүү бүтээн байгуулалт нь иргэдийн эрүүл ахуй, хүрээлэн буй орчин, байгаль экологийн хувьд өндөр ач холбогдолтой болсныг аймгийн ЗДТГ-аас мэдээлэв.
Завхан аймаг цэвэрлэх байгууламжийг ашиглалтад оруулахаас өмнө хоногт дунджаар 1300 м3 цэвэр ус олборлон түгээж,
1170 м.3 бохир усыг татан зайлуулж, 73 хувьтай цэвэрлэдэг байсан.
