Чингэлтэй дүүргийн 240 хүүхдийн багтаамжтай 108 дугаар цэцэрлэг ашиглалтад орлоо. Барилгын насжилт хэтэрсэн 108 дугаар цэцэрлэгийг дахин төлөвлөлтөд хамруулж, стандартад нийцүүлэн шинэчлэн засварласан байна.
Өмнө нь 4 бүлэгтэйгээр үйл ажиллагаа явуулж байсан бол хамран сургах тойргийн хүүхдийн хэрэгцээ, эрэлтэд нийцүүлэн 10 бүлэг болгон нэмэгдүүлжээ.
Тус цэцэрлэг нь нийт 240 хүүхдийн багтаамжтай, 2,857 м² талбай бүхий барилга бөгөөд унтлагын өрөө, чийрэгжүүлэх өрөө, дуу хөгжмийн өрөө, гал тогоо, хуурай/нойтон хүнсний агуулах, ажилчдын хувцас солих өрөө, эд хогшлын агуулах зэрэг зориулалтын олон өрөө тасалгаатай болжээ.
