Сэлэнгэ аймгийн Сүхбаатар сумын Улсын тэргүүний ЕБ-ийн 2-р сургуулийн 3б ангийн сурагч Баярхүүгийн Маргад 2025 оны хамгийн олон ном уншсан хүүхдээр тодорчээ.
Б.Маргад бүр цэцэрлэгт байхаасаа л ном уншиж сурсан байна. Тэрээр 2025 онд 104 ширхэг уран зохиол, шинжлэх ухааны номуудыг уншжээ.
Б.Маргад аймгийн Номын сангийн уншлагын танхимаар дамжуулан 7 хоног бүр маш олон ном авч уншиж, номын тэмдэглэлээ хийдэг хичээнгүй уншигч юм.
Тэрээр ихэвчлэн Динза, Дүрсгүй жаал, Чингис хаан, Комик цувралууд, Түүхэн зурагт номууд, Шинжлэх ухааны номуудыг авч уншдаг байна.
Маргадын ээж аав нь ч мөн адил ном унших дуртай учраас гэрээр ном олгох нийтийн уншлагын танхимаар гэр бүлээрээ үйлчлүүлдэг гэв.
Түүний эцэг эх хүүхдээ сурч хөгжих, номонд дурлуулахад онцгой анхаарч, зөв үлгэр дууриал үзүүлэхийг хичээдэг байна. Мөн хүүхэд бол таны толь юм шүү. Иймээс хүүхэд багачуудтайгаа хамтдаа ном уншаарай хэмээв.
