Цаг агаарын нөхцөл байдалтай уялдуулан хот хоорондын авто замын зорчих хэсэгт халтиргаа, гулгаа үүссэнийг аймгийн замын цагдаагийн тасаг, авто тээврийн төвөөс анхааруулж байна.
Иймд хот хооронд зорчих иргэдийг баталгаагүй, мэргэшсэн жолоочгүй, хууль бус буюу зорчигч тээврийн гэрээгүй жолооч, тээврийн хэрэгслээр зорчихгүй байх, авто тээврийн төвтэй гэрээтэй зорчигч тээврийн үйлчилгээ эрхлэх зөвшөөрөлтэй ААНБ-ын авто машин, автобусаар зорчихыг мэдэгдэж байна.
Дархан-Улаанбаатар чиглэлийн авто замд гарч буй зам тээврийн ослын дуудлага мэдээлэлд хурд хэтрүүлсэн, авто машины бүрэн байдлыг сайтар хангаагүй, хурд тохируулж хөдөлгөөнд оролцоогүй зэрэг олон шалтгаан нөхцөлөөс үүсдэг гэдгийг онцолж байна.
Тиймээс Дархан-Уул аймгийн авто тээврийн төвтэй албан ёсны хамтран ажиллах гэрээтэй тээврийн хэрэгслээр үйлчлүүлснээр амь, эрүүл мэндээ эрсдэлд өртөхөөс бүрэн сэргийлэх, 24 цагийн жи пи эс хяналттай мэргэшсэн жолоочтой том оврын автобус болон тендерийн таксигаар үйлчлүүлэхийг зөвлөлөө.
