-2025 оны 12 дугаар сарын 15-21-нд болох үйл явдлын тойм-

 Улаанбаатарт:

12 дугаар сарын 15-нд: УИХ дахь намын бүлгүүдийн хуралдаан болно. 

12 дугаар сарын 15-нд: Мянганы сорилтын сангаас “Усны тухай ярилцъя” хэвлэл мэдээллийн байгууллагуудын төлөөлөлтэй уулзах уулзалтыг “Туушин” зочид буудалд зохион байгуулна.

12 дугаар сарын 15-нд: Монгол Улсад үндэсний сэтгүүлч боловсон хүчин бэлтгэж эхэлсний болон МУИС-д Сэтгүүл зүйн тэнхим байгуулагдсаны 65 жилийн ойд зориулсан “Сэтгүүл зүйн сургалт, судалгааны 65 жил” эрдэм шинжилгээний хурал МУИС-ийн Хичээлийн нэгдүгээр байрны Эрдмийн танхимд болно.

12 дугаар сарын 16-нд: УИХ-ын Эдийн засгийн байнгын хороо Монголбанкны Ерөнхийлөгчийн албан тушаалд нэр дэвшигчтэй хийх нэр дэвшигчийн сонсголыг Төрийн ордны “Жанжин Д.Сүхбаатар” танхимд зохион байгуулна.

12 дугаар сарын 16-нд: МҮХАҮТ, Японы Осакагийн Бизнес, хөрөнгө оруулалтын төв болон Осака хотын ХАҮТ-тай хамтран цахим уулзалт зохион байгуулна.

12 дугаар сарын 16, 17-нд: УИХ-ын Байнгын хороодын хуралдаан болно. 

12 дугаар сарын 17-нд: Засгийн газрын хуралдаан болно.

12 дугаар сарын 18, 19-нд: УИХ-ын чуулганы нэгдсэн хуралдаан Төрийн ордонд болно.

12 дугаар сарын 20-нд: Худалдааны ажилтны өдөр тохионо.

12 дугаар сарын 20, 21-нд: МҮБХ-ны “Алтан цом”-ын барилдаан болно.

 -Мал, тэжээвэр амьтдын 2025 оны тооллого 12 дугаар сарын 17-ныг хүртэл үргэлжилнэ.

-"Анагаагч эх дэлхий" үзэсгэлэнг 2026 оны нэгдүгээр сарын 18-ныг дуустал үргэлжилнэ.

 Орон нутагт:

12 дугаар сарын 20, 21-нд: Өвөрхангай аймгийн Гучин-ус суманд Монгол Улсын анхны аварга тэмээчин Д.Гэндэнгийн нэрэмжит аймгийн “Тэмээчдийн баяр-2025” баяр болно.

Хилийн чанадад:

 -ОХУ-ын Сочи хотод 12 дугаар сарын 19-ныг хүртэл 100 сая рублийн шагналын сантай өсвөрийн жүдочдын лиг болно. Монгол, Орос, Солонгос, Куба, Грек, Бразил, Словен, АНУ-ын 32 баг өрсөлдөнө.

-Швейцарын Цюрих хотын Ритберг музейд “Монгол орон: Цаг хугацааны аялал буюу Mongolia-A Journey Through Time” тусгай үзэсгэлэн 2026 оны 2 дугаар сарын 26-ныг хүртэл үргэлжилнэ.