Хүмүүнлэгийн их сургуулийн Сэтгүүл зүй, медиа технологийн тэнхимээс жил бүр зохион байгуулдаг оюутны шилдэг бүтээл шалгаруулах сэтгүүл зүйн “Алтан үзэг” улсын наадмын шилдгүүдэд шагнал гардуулах ёслол өнгөрсөн бямба гарагт боллоо.

Сэтгүүл зүйн чиглэлээр мэргэжилтэн бэлтгэдэг их, дээд сургуулиудын оюутан залуус телевизийн болон радио нэвтрүүлэг, нийгмийн реклам, нийтлэл, мультимедиа гэсэн таван төрөлд ур чадвараараа өрсөлддөг юм. Энэхүү уралдаан ирээдүйн чадварлаг сэтгүүлчдийг бэлтгэх, тэдний авьяас чадварыг нээн илрүүлж, дуу хоолойг нь олон нийтэд хүргэх зорилготой.

15 дахь удаагийн “Алтан үзэг” наадамд долоон сургуулийн 400 орчим оюутан 227 бүтээлээ ирүүлсэн байна. Үүнээс нийтлэлийн төрөлд хамгийн олон буюу 138 бүтээл иржээ. Харин нийгмийн рекламын төрөлд 26, телевизийн нэвтрүүлгийн төрөлд 27, радио нэвтрүүлгийн төрөлд 22, мультимедиа нийтлэлийн төрөлд 14 бүтээл ирсэн байна.

Энэ жил “Алтан үзэг” наадмыг МУИС, СУИС-ийн КТМУС-ийн Сэтгүүл зүйн тэнхим, “Тэнгэр” телевиз, unnu.news сайт дэмжин ажиллажээ. 

“Алтан үзэг” наадам видео болон мультимедиа төрлөөс “Үзэгчдийн таашаалд нийцсэн бүтээл”-ийг тодруулдаг уламжлалтай бөгөөд энэ жил уг шагналыг МУИС-ийн оюутан Х.Номин-Эрдэнэ, С.Гүндэгмаа, Б.Билгүүн нар “Түүчээ” бүтээлээрээ хүртлээ.

Наадмын шүүгчээр “Тэнгэр” телевизийн продюссер О.Ариунтуул, “Тогтвортой хөгжлийн төлөөх сэтгүүл зүй” төрийн бус байгууллагын тэргүүн, сэтгүүлч О.Ариунбилэг, “UNNU.News”  сайтын ерөнхий эрхлэгч Б.Лхагвацэрэн, МҮОНР-гийн тоймч С.Мөнгөнтуяа, “Вайрал Партнерс” компанийн төслийн ахлах менежер Г.Дөлгөөн нар ажилласан байна. Шүүгчид уралдаанд ирүүлсэн нийт бүтээлүүдийг агуулга, хийц болон зохиогчийн хөдөлмөр гаргасан байдал, ур чадварыг харгалзан байр эзлүүлжээ.

Уралдааны шагналтнуудыг танилцуулъя.

Гранпри: “Надаас холдсон гэр” бүтээлээр МУИС-ийн “Spark” баг

Шилдэг нийтлэл

1-р байр: “Өвдсөн сэтгэлд эмч байхгүй”. СУИС-КТМУС-ийн оюутан Б.Сайнзаяа

2-р байр: “Оюутнуудад ажлын 20 цаг хэрэгтэй”. ХИС-ийн оюутан С.Нандин-Учрал

3-р байр: “Хамгийн урт хүлээлгийн жагсаалт”. МУИС-ийн оюутан Т.Хулан

Шилдэг радио нэвтрүүлэг

1-р байр: “Бурхан дээр суусан огтоно”.  СУИС-КТМУС-ийн “Санкара” баг

2-р байр: “Хүндийг үүрүүлж хүний эрхийг нь зөрчсөөр байх уу”. СУИС-КТМУС-ийн оюутан Марал, Хулан, Буян-Од, Амирлан, 

3-р байр: “Хэвлэл мэдээллийн суурь боловсрол гэж юу вэ, яагаад чухал вэ”. МУИС-ийн А.Дөлгөөнзул.

Шилдэг нийгмийн реклам:

1-р байр: “Намайг битгий мартаарай”. МУИС-ийн “Sunshine” баг

2-р байр: “Хүндлэл хүн бүрт харагддаг”. ХИС-ийн “Respect” баг

3-р байр: “I hate my ADHD”. ХИС-ийн Б.Халиунаа

 Шилдэг телевизийн нэвтрүүлэг

1-р байр: “MoneyBall”. ХИС-ийн “Авуурьд” баг.

2-р байр:  “GenZ үеийнхэн хариуцлагагүй юу”. ХИС-ийн оюутан С.Эгшиглэн, С.Нандин-Учрал, Н.Номин

3-р байр: “Түүчээ”. МУИС-ийн оюутан Х.Номин-Эрдэнэ, С.Гүндэгмаа, Б.Билгүүн

Шилдэг мультимедиа нийтлэл

1-р байр: “Өр зээлээр “тэтгэгдсэн” өсвөрийн жүдочид”. МУБИС-ийн оюутан Г.Мөнхцацрал, Ж.Ичинхорлоо, Д.Мягмаржаргал, Ц.Анужин, Х.Анаргүл

2-р байр: “Амьдрал алдуулсан аппууд”. ХИС-ийн “Нонамэ” баг

3-р байр: “Мэхлэгчдэд мэхлүүлэхгүй”. МУИС-ийн “Apollo” баг

Үзэгчдийн нэрэмжит шагнал

“Түүчээ”  телевизийн нэвтрүүлэг. МУИС-ийн Х.Номин-Эрдэнэ, С.Гүндэгмаа, Б.Билгүүн

ЕБС-ийн сурагчдын шилдэг бүтээл

1-р байр: “Хандлага” нийгмийн реклам. Говь-Алтай аймгийн Хөхморьт сумын дунд сургуулийн сурагч А.Санчирмаа

2-р байр: “Цаг хугацааны урсгал” эсээ. ЕБС-ийн 119-р сургуулийн сурагч С.Сарнай