Италийн концептуалист зураач Маурицио Каттеланагийн 18 каратын алтаар хийсэн, 100 гаруй кг жинтэй алдарт “Америка” нэртэй суултуур Sotheby’s-ийн дуудлага худалдаагаар 12.1 сая ам.доллароор зарагдлаа. Үнийн дүн нь анх хүлээгдэж байснаас доогуур байсан бөгөөд бүтээлийг “нэр бүхий америк брэнд” худалдан авсан талаар Artnet мэдээлжээ.

Алтан суултуурыг дуудлага худалдаа эхлэхийн өмнө Sotheby’s ордны шинэ байрны ариун цэврийн өрөөнд олон нийтэд үзүүлэн, анхны үнэ 10 сая ам.доллараар санал болгосон бөгөөд эцсийн үнэ нь шимтгэлтэй нийлээд 12.1 сая ам.долларт хүрсэн байна.

“Америка” суултуур анх Нью-Йоркийн Гуггенхайм музейд 2016 онд байрлуулснаар олны анхааралд өртсөн. Харин дараа нь Английн Бленхейм ордонд шилжүүлсэн ч 2019 онд хулгайд алдагдаж байв.

Маурицио Каттелан өдө provokative буюу өдөөн хатгасан хэв маягийн бүтээлүүдээрээ танигдсан. Түүний хананд скочоор наасан гадил жимсний инсталляци Гонконгийн дуудлага худалдаанд 6.24 сая ам.доллараар зарагдаж, дараа нь идэгдэж алга болсон нь тухайн үед дэлхий даяар шуугиан тарьсан юм.

Эх сурвалж: Officelife.media