x

Яармагийн гүүрнээс 150 метрийг идчихсэн этгээдэд хэн хариуцлага тооцох вэ?

Нийслэлийн хамгийн урт гүүр гэх тодотголтой Яармагийн гүүрийг тойрсон авлига, албан тушаалын хэрэг эрх мэдэлтнүүдийг эвгүйтүүлж эхэллээ. 2022 онд тендер нь зарлагдсан цагаасаа л албан тушаалтнуудын гар хөл оролцсон нь тодорхой болж байсан юм. Нийт 780 метр бүхий дөрвөн хэсэг бүхий төмөр бетонон гүүрийг барихад 78,9 тэрбум төгрөгийн тендер зарлахад “Мотор сервис” ХХК нь ялж байжээ.

Тендерт таван компани өрсөлдөж, хоёр компани нь “Мотор сервис” ХХК-иас бага үнийн санал өгсөн боловч тэдний саналаас даруй 2,8 тэрбумаар илүү үнэ хэлсэн “Мотор сервис” ХХК-д өгсөн нь анхнаасаа тус компанид өгөх тохиролцоо хөшигний ард аль хэдийнэ хийгдсэн гэж хардахад хүргэж байгаа юм. Гэсэн хэдий ч “Мотор сервис” компанид өгсөн 77,8 тэрбум төгрөг чамлалттай санагдсан бололтой, элдэв янзын нэмэлт зардал нэхсээр эрхэлж авсан баримт нотолгоог Нийслэлийн дотоод аудитын холбооноос шалгаж тогтоосон байдаг.

Гүүрийн эхлэл болон төгсгөлд хийгдэх газар шорооны ажлын санхүүжилт болох  741,743 сая төгрөгийг  Нийслэлийн Замын хөгжлийн газрын дарга Б.Одбаяр, ахлах нягтлан бодогч Г.Энх-Амгалан нар “Тотал инж” ХХК болон “Мотор сервис” ХХК-д давхардуулан олгожээ. Долоон сая биш 700 сая төгрөг давхардуулан олгож байгааг санаатай үйлдэл гэхээс өөрөөр тайлбарлах аргагүй. Төсвийн тухай хуулийг ноцтой зөрчсөн дээрх зөрчилд нь ямар ч хариуцлага тооцоогүй учир тэд даварсаар өнөөдрийг хүртэл “Мотор сервис” компанид элдэв нэмэлт зардал нэрээр их хэмжээний мөнгийг  удаа дараа шилжүүлсээр байгаа нь хачирхалтай.

Газар шорооны ажлыг "Тотал инж” ХХК гүйцэтгэх гэрээтэй атал ямар учраас “Мотор сервис” ХХК руу шилжүүлээд, төсвийн мөнгийг дур мэдэн зарцуулсан тус компани өнөөдрийг хүртэл дээрх мөнгийг буцаан төлөхгүй байхад хариуцлага тооцохгүй даврааж байгаагийн цаана хэн гээч эрх мэдэлтэн  тэднийг хаацайлж байна вэ?

Анх 2022 оны тавдугаар сарын 20-нд  Нийслэлийн худалдан авах ажиллагааны газраас “Мотор сервис” ХХК-тай гэрээ хийхдээ гүүрийн барилга угсралтыг “Мотор сервис” ХХК, авто замын барилга угсралтыг “Тотал инж” ХХК хийж гүйцэтгэн 2023 оны 10 дугаар сарын 01-ний өдөр хүлээлгэн өгөхөөр болжээ. Удаа дараа шалтаг тоочиж, гэрээгээ зөрчиж, “Мотор сервис” ХХК-ийн хариуцлагагүй байдлаас болж  хойшилсоор хоёр жил гаруйн дараа нээлтээ хийжээ. Гэвч өнөөдрийг хүртэл бүрэн гүйцэд хүлээлгэж өгөлгүй, нэмэлт зардлууд нэхэмжилсээр суудаг гэнэ. Бүр болоогүй, 780 м гүүрээсээ 150 м гүүр нь сох дутчихсан аж. Төсөвт өртгөө тооцоолж гаргаж өгөхдөө 17 тэрбум төгрөгийн тооцоог гаргаж өгсөн баримт нь  байсаар байхад харин гүүр нь ор сураггүй алга болчихсон нь гайхалтай.

Зам гүүрийн мэргэжилтнүүдийн хэлж байгаагаар, дөрвөн хэсэг бүхий 780 метр урт төмөр бетонон гүүр нь  хоорондоо салшгүй холбоотой хийгдэх байтал 150м нь ор сураггүй алга болсон нь гайхашиг болоод байна. Хамгийн ноцтой нэг зүйл бол 2023 оны 7 дугаар сард болсон үерийн улмаас урссан түр зам болон байгууламжийн эвдрэлийг засварласан хэмээн арматур хэлхээсийг нэмэлтээр оруулсан байна. Ингэхдээ нэмэлт арматур хийгдсэн эсэх, хаана ямар хэмжээтэй, хэрхэн орсон талаар дэлгэрэнгүй тооцоолол мэдээлэл огт байхгүй байгаад мэргэжлийн хүмүүс санаа зовж байна. Гүүрийн гол багана бол арматур хэлхээсүүд бөгөөд даац болон голын урсгалын хүч, хурдыг тооцоолж, хамгийн чанартайг хийх ёстой.

Гүүрэн дээр осол гарвал хичнээн олон хүн нэг дор нас барж, хүүр болдгийг гадаадын олон улсын жишээнээс бид хардаг. Гэтэл үерт урссан гэх шалтгаанаар арматур хэлхээс нэмнэ гэж нэмэлт зардал гаргуулсан ч үүнийг хийсэн эсэх нь тодорхойгүй байгаа бөгөөд хэрвээ  чанар муутай арматур хэлхээсээр хийсэн бол хэзээ ч нурж магадгүй аюул ойрхон байгаа гэсэн үг. Нийслэлийн дотоод аудитын холбооноос гаргасан дүгнэлтэд, “Мотор сервис” ХХК-тай холбоотой цөөнгүй зөрчлүүд илэрсэн бөгөөд  өнөөдрийг хүртэл энэхүү хэнэггүй, хайнга компани  төсвийн мөнгийг ч буцаан төлдөггүй, гүүрийн ажлаа гүйцэд хүлээлгэж өгдөггүй гүрийсээр байгаа нь гайхалтай.

Нийслэлийн хамгийн урт бөгөөд чанаргүй гүүрээр гарах гэсэн биш нэлээд олноороо хүүр болон хувирах аюул нийслэлчүүдэд маань нүүрлээд байна.

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (3)

  • Зочин (202.126.89.19)
    Ёстой шал худал мэдээ байна. Ингэж л төлбөртэй мэдээнүүд хийгддэг юм байна даа
    2025 оны 04 сарын 25 | Хариулах
  • Зочин (66.181.190.200)
    тэнэгүүд өөрсдийнхөө хөрөнгийг хулгайлаад өөрсдөө л хохирно биздээ.гуйлгачин байхдаа таарсан гуйлгачин сэтгэлгээтэй новшнууд.
    2025 оны 04 сарын 24 | Хариулах
  • Ганболд (66.181.191.176)
    Хууль хяналтын байгууллага нь ийм зүйл дээр ажирдаггүй юм уу. Эсвэл ийм зүйлийг ойлгоод шалгах чадалтай толгойтой боловсон хүчингүй болчихсон юм уу.
    2025 оны 04 сарын 24 | Хариулах
iШинэ мэдээ
Ерөнхий сайд аа, АТГ, УЕПГ Таны “Ажлын алба” биш! 31 мин Цахилгааны 1.05 сая тоолуурын 855.1 мянгыг нь ухаалаг тоолуурт шилжүүлжээ 42 мин Ц.Идэрбат: Тариалан эрхлэгчдэд олгох хөнгөлөлттэй зээлийн хүртээмжийг нэмэгдүүлнэ 1 цаг 1 мин Нөмрөгийн түймрийн хохирлын үнэлгээг хуулийн байгууллагад шилжүүлжээ 1 цаг 8 мин Агаарын бохирдлыг бууруулах эрчим хүчний хэмнэлттэй, дулаан хуримтлуурын технологийг иргэдэд танилцуулна 1 цаг 19 мин Г.Ганбаатар: Засгийн газрын өр 16 тэрбум ам.долларт дөхсөн нь цаашид анхаарах ёстой маш том дохио 1 цаг 29 мин Монгол Улс ба НҮБ-ын Тогтвортой хөгжлийн хамтын ажиллагааны 2028-2032 оны хүрээг хэлэлцэв 14 цаг 56 мин “Евро-3” болон түүнээс дээш стандартын АИ-92 автобензиний үнийг 1000 хүртэл төгрөгөөр бууруулна 15 цаг 14 мин Юун Ялта, юун дэлхийг хуваах! 15 цаг 44 мин Шөнийн автобус 22:00-02:00 цагийн хооронд үйлчилж байна 15 цаг 50 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 15 цаг 55 мин Засгийн газар: Төрийн өмчит компанийн тоог 85 болгон цөөлнө 16 цаг 39 мин ТББХ Ерөнхийлөгчийн чөлөөлөгдөх хүсэлтийг дэмжлээ 16 цаг 52 мин З.Мэндсайхан: Оюу Толгойн хэлэлцээрийн баг удахгүй ирнэ 23 цаг 9 мин Мэдээж “Ар нь түүз!” 23 цаг 21 мин И-спорт болон оюуны спортын Азийн анхдугаар наадмыг 2027 онд зохион байгуулна 23 цаг 38 мин Улаанбаатарт өдөртөө 8 хэм хүйтэн 23 цаг 46 мин Аймгуудын өрсөлдөх чадварын 2026 оны тайлангийн үр дүнг танилцуулна 23 цаг 49 мин Д.Трамп Хятадад Ким Жөн Унтай уулзаж магадгүй гэв 23 цаг 54 мин Тайванийн Гадаад хэргийн сайд АНУ-д хоёр дахь удаагаа очжээ 23 цаг 59 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... Юун Ялта, юун дэлхийг хуваах! З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Д.Трамп Хятадад Ким Жөн Унтай уулзаж магадгүй гэв Цагаачд иргэдийн шинэ цуваа АНУ-ын хилийг чиглэв Энэ онд 51 байршилд 63.47 км авто замыг шинэчлээд байна “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Хятадын арбитр: Манай төрийн өмчит банкуудаас татсан зээлүүд... УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн
Top