АНУ-д ердөө найман сартай, 75 кг жинтэй “Кадабомб Оками” нэртэй гөлөг 5.7 сая ам.доллараар буюу ойролцоогоор 19.7 тэрбум төгрөгөөр зарагдсан нь дэлхийн хамгийн үнэтэй нохой болж байна хэмээн New York Post мэдээлжээ.

Энэ гөлөг нь кавказын овчарк болон чонын эрлийз бөгөөд өндөр нь 76 см аж. Түүний онцлог нь зөвхөн биологийн хослол бус, гадаад төрх, бие бялдрын хувьд хосгүй байдалд нь оршиж байгаа юм.

Гөлгийг Энэтхэгийн нохой үржүүлэгчдийн эвслийн тэргүүн, 51 настай С. Сатиш худалдаж авсан байна. Тэрээр өөрийн төрсөн нутагтаа дэлхий дахины янз бүрийн нохойн үүлдрийг танилцуулах зорилготой гэдгээ хэлсэн ч үнэндээ нохойны бизнес эрхэлдэг нэгэн бөгөөд таван цагийн танилцуулгаас 12 мянган долларын орлого олдог гэдгийг ч дурдсан. Түүний эзэмшлийн ферм 3 га газартай, 150 орчим үүлдрийн нохойтой бөгөөд зургаан ажилтан тэднийг өдөр бүр харж асардаг байна.

Сонирхуулахад, Сатиш өнгөрсөн онд чау-чау үүлдрийн, панда баавгайтай тун адилхан “Циньлин” нэртэй нохойг 3.25 сая доллараар худалдан авч байжээ.