Эрүүл мэндийн даатгалын ерөнхий газраас иргэдийн даатгалын шимтгэл төлөлтийн статистик мэдээллийг танилцууллаа. Өнгөрсөн долоо хоногт буюу 2025 оны 3 дугаар сарын 8-наас 3 дугаар сарын 12-ны 10 цагийн байдлаар И-Баримт гар утасны аппликейшн болон И-Монголиа цахим системээр дамжуулан нийт 8545 иргэн 13,604 удаагийн гүйлгээгээр 854.5 сая төгрөгийн шимтгэл төлсөн байна.
И-Баримт аппликейшнээр нийт 563.3 сая төгрөг төлөгджээ. Үүнд:
- Ажил хөдөлмөр эрхлээгүй иргэд – 1416 хүн, 100.4 сая төгрөг
- Гадаадын иргэд – 45 хүн, 5.2 сая төгрөг
- Малчид – 1269 хүн, 111.6 сая төгрөг
- Оюутнууд – 510 хүн, 37.3 сая төгрөг
- Хувиараа хөдөлмөр эрхлэгчид – 3933 хүн, 308.6 сая төгрөг
И-Монголиа 4.0 системээр нийт 291.2 сая төгрөг төлсөн бөгөөд дараах байдлаар ангилагдаж байна:
- Оюутнууд – 3865 хүн, 280.7 сая төгрөг
- Ажил хөдөлмөр эрхлээгүй иргэд – 7 хүн, 1.2 сая төгрөг
- Малчид – 15 хүн, 1.2 сая төгрөг
- Хувиараа хөдөлмөр эрхлэгчид – 88 хүн, 8 сая төгрөг
Энэхүү мэдээллээс харахад шимтгэл төлөлтийн дийлэнх хувийг хувиараа хөдөлмөр эрхлэгчид болон оюутнууд бүрдүүлж байгаа нь анзаарагдаж байна. Мөн И-Баримт аппликейшнээр төлсөн дүн И-Монголиагаас өндөр байгаа нь иргэд цахим системийг идэвхтэй ашиглаж буйн илрэл юм.
Эх сурвалж: Эрүүл мэндийн даатгалын ерөнхий газар
