x

Эмгэнэл

Төв аймаг Өндөрширээт суманд түргэний автомашин том оврын автобустай мөргөлдөж  жолооч, эмч, өвчтөн нарын зургаан хүн нас барсан харамсалтай осол өчигдөр гарсан. Тус осолд өртөж нас барсан Ж.Хүчитбаатар, Б.Энхболд нарт Баянхонгор аймгийн ЗДТГ-аас эмгэнэл илэрхийлжээ.

ЖИГЖИВИЙН ХҮЧИТБААТАР /1969-2025/

Бид бүхний анд нөхөр, бахархалт ахан дүүс, эрүүл мэндийн эрхэм элч төлөөлөгчид болсон Нэгдсэн эмнэлгийн Уламжлалт, сэргээн засах эмчилгээний тасгийн эрхлэгч Жигживийн Хүчитбаатар, эмнэлгийн Хангамж үйлчилгээний тасгийн жолооч Бямбаагийн Энхболд нар 2025 оны 03 сарын 11-ний өдөр зуурдаар таалал төгсөж Баянхонгорчууд бидэнд нөхөж баршгүй хүнд гарз тохиолоо.
Өргөсөн тангарагтаа үнэнчээр зүтгэж, хүний амь насыг аврахын төлөө хариуцлагатайгаар ажил үүргээ гүйцэтгэж яваад алтан амиа алдсан та бүхнийхээ араас гүнээ эмгэнэн гашуудаж байна.
Та бүхний чин сэтгэл, мэдлэг ур чадвараар амь аврагдсан, эмчлүүлэн сувилуулж, авран хамгаалуулсан мянгантаа гэгээн түүх, эрхэм ариун үйл хэргээр мөнхөд бахархан дуурсах болно.
Бидний эрхэм хүмүүн Жигживийн ХҮЧИТБААТАР нь 1969 онд Баянхонгор аймагт айлын отгон хүү болон мэндэлжээ.

  • 1977-1984 онд Баянхонгор аймгийн арван жилийн II сургууль
  • 1987-1994 онд Анагаах ухааны дээд сургуулийг уламжлалт эмчилгээний их эмчээр дүүргэж
  • 2012 онд зүү, төөнө заслын резидент
  • 2014 онд зүү, төөнө заслын дээшлүүлэх сургалтад тус тус суралцаж төгссөн байна.
  • 1994-1996 онд Баянхонгор аймгийн Эрдэнэцогт сумын хүний их эмчийн салбарын эрхлэгч эмч
  • 1997-1998 онд Баацагаан сумын эмнэлгийн эрхлэгч эмч
  • 1998-2000 онд Улаанбаатар хотын яаралтай түргэн тусламжийн төвд их эмч
  • 2002-2003 онд Говь-Алтай аймгийн Анагаах ухааны коллежид багш
  • 2004-2008 онд Улаанбаатар хотын Халиун-Толгой эмнэлэгт зүүний их эмч
  • 2009 оноос Баянхонгор аймгийн Нэгдсэн эмнэлэгт уламжлалт, зүү, төөнө заслын их эмчээр ажиллаж байсан, хөрвөх чадвар бүхий жинхэнэ алтан гартай эмч байлаа.

Ж.Хүчитбаатар нь Эрүүл мэндийн салбарт ажиллах хугацаандаа хүн ардынхаа эрүүл мэндийн төлөө хоёргүй сэтгэлээр ажиллаж, өргөсөн тангарагтаа үнэнч байж, өөрийн амь биеэ үл хайхран албан үүргээ нэр төртэй биелүүлэн ажилласан байгууллага, хамт олон, ард иргэдийн итгэл найдвар, талархлыг хүлээсэн манай шилдэг тэргүүний мэргэшсэн эмч байв.
Тэрээр 2012 онд ЭМЯ-ны “Хүндэт жуух бичиг” 2018 онд ЭМЯ-ны “Эрүүлийг хамгаалахын тэргүүний ажилтан” цол тэмдэгээр тус тус шагнагдаж байсан түүхтэй.

БЯМБААГИЙН ЭНХБОЛД /1982-2025/

Бидний хүнлэг хүмүүн Бямбаагийн ЭНХБОЛД нь 1982 онд Баянхонгор аймгийн Өлзийт сумын хүн эмнэлэгт айлын гурав дахь хүү болон төржээ.

  • 1990-1998 онд Баянхонгор аймгийн Өлзийт сумын дунд сургуульд суралцан бүрэн бус дунд боловсрол эзэмшин, 2000-2001 онд Өвөрхангай аймгийн 256-р цэргийн ангид цэргийн алба хаасан.
  • 2005-2006 онд Улаанбаатар хотын “Их хөдөлгөөн” авто сургуульд жолооч мэргэжил
  • 2009 онд жолоочийн “С” ангилал
  • 2012 онд жолоочийн “D” ангилал
  • 2018 онд жолоочийн “E” ангилалыг тус тус эзэмшжээ.
  • 2011 оноос Баянхонгор аймгийн Нэгдсэн эмнэлгийн хангамж үйлчилгээний тасагт яаралтай түргэн тусламжийн жолоочоор ажиллаж байх хугацаандаа хүн ардынхаа эрүүл мэндийн төлөө хоёргүй сэтгэлээр ажиллаж, өргөсөн тангарагтаа үнэнч байж, өөрийн амь биеэ үл хайхран албан үүргээ нэр төртэй биелүүлэн ажилласан байгууллага, хамт олон, ард иргэдийн итгэл найдвар, талархлыг хүлээсэн шилдэг тэргүүний мэргэшсэн, чадварлаг жолооч байлаа.

Тэрээр 2015 онд “Байгууллагын аварга”
2016 онд “ Аймгийн тэргүний ажилтан”
2018 онд ЭМЯ-ны “Хүндэт жуух бичиг”
2024 онд “Хамгийн олон километр явсан жолооч”
2025 онд ЭМЯ-ны “Эрүүлийг хамгаалахын тэргүүний ажилтан” цол тэмдэгээр тус тус шагнагдаж байжээ.
Та бүхний бүтээсэн гэгээн зам мөр, ариун үйл хэрэг, хүнлэг энэрэнгүй зан чанар, эгэл даруу дүр төрх, төлөв тусч, шулуун шударга, өгөөмөр, хөдөлмөрч зан чанар тань бид бүхний зүрх сэтгэлд үүрд мөнх хүндлэгдэн, дуурсагдах болно.
Талийгаачдын аав, ээж, гэр бүл, үр хүүхэд, ах дүү, төрөл төрөгсөд, найз нөхөд болон эрүүл мэндийн салбарынханд гүн эмгэнэл илэрхийлье.
УМ МА НИ БАД МИ ХУМ

Эмгэнэл илэрхийлсэн:
БАЯНХОНГОР АЙМГИЙН ИТХ-ЫН ДАРГА Э.ЭНХБАТ
БАЯНХОНГОР АЙМГИЙН ЗАСАГ ДАРГА Д.МӨНХСАЙХАН

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iШинэ мэдээ
НҮБ-ын Ерөнхий Ассамблейн 2758 дугаар тогтоолыг гуйвуулах ёсгүй, “Нэг Хятад” зарчим сорилттой нүүр тулах ёсгүй Уржигдар 20 цаг 25 мин Энэ амралтын өдрүүдэд зүүн нутгаар цас орж, салхи ширүүснэ Уржигдар 16 цаг 51 мин Г.Занданшатар: “Баялгийн хулгайтай хатуу тэмцэнэ” Уржигдар 16 цаг 49 мин Төрийн дээд цол, одон, медаль хүртээв Уржигдар 16 цаг 48 мин “Хог шатааж эрчим хүч гаргах үйлдвэр”-ийн гэрээнд гарын үсэг зурлаа Уржигдар 16 цаг 47 мин Б.Энхбаярыг Хууль зүй, дотоод хэргийн сайдаар томилох санал УИХ-д өргөн баригдлаа Уржигдар 16 цаг 46 мин Туулын усанд бохирдол нэмэгдэж, халдварт нян илэрлээ Уржигдар 16 цаг 45 мин Дорноговьд намрын мод тарих ажил эрчимтэй үргэлжилж байна Уржигдар 16 цаг 32 мин Урлахуй ухааны танхимыг бурханч лам Г.Пүрэвбатын нэрэмжит болголоо Уржигдар 16 цаг 31 мин Цоохор ирвэсийг хамгаалах дэлхийн өдөр Монголд 13 дахь жилдээ боллоо Уржигдар 16 цаг 30 мин Улаанбаатар хот тэгш, сондгой хязгаарлалт хийх эсэх талаар иргэдийн саналыг авч байна Уржигдар 13 цаг 34 мин Монголд нарийн ноост хонины чанарыг сэргээх дурангийн хээлтүүлгийн ажил үргэлжилж байна Уржигдар 13 цаг 33 мин Ерөнхийлөгч У.Хүрэлсүх эмч, эмнэлгийн ажилтнуудад төрийн дээд цол, одон гардууллаа Уржигдар 13 цаг 31 мин Дархан-Уул аймаг өвөлжилтийн бэлтгэлээ 84.3 хувьтай хангажээ Уржигдар 13 цаг 28 мин Хөвсгөлийн “Хөх сувд” мөсний баяр ирэх гуравдугаар сард жуулчдаа угтана Уржигдар 13 цаг 27 мин Дархан-Уул, Сэлэнгэ, Төв аймгууд гэмт хэрэг бууруулах хамтын ажиллагааг эхлүүллээ Уржигдар 13 цаг 26 мин Ж.Дэлгэрсайхан: Иргэдийн төлж буй шимтгэл ирээдүйн амьдралынх нь баталгаа болох ёстой Уржигдар 13 цаг 10 мин Рио Тинто Хятадын төмөр нударгатай тулсан түүх Уржигдар 12 цаг 56 мин Ерөнхий сайдыг огцруулсан УИХ-ын тогтоол яагаад Үндсэн хууль зөрчсөн бэ? Уржигдар 12 цаг 40 мин 1981 оноос хойших хамгийн хүйтэн аравдугаар сар бүртгэгдлээ Уржигдар 11 цаг 01 мин
iИх уншсан
Г.Занданшатарын Засгийн газрыг огцруулсан саналын луйвар!!! Ж.Золжаргал: Монголд улс төрийн нам ерөөсөө болохгүй байна Нүүрсний ерөнхий менежер нь Төр Ерөнхий сайдыг огцруулсан УИХ-ын тогтоол яагаад Үндсэн хууль... Рио Тинто Хятадын төмөр нударгатай тулсан түүх Иосиф Бродскийг шүүсэн хурал Х.Нямбаатар: Түлшний нийлүүлэлтийг хоёр дахин нэмэгдүүллээ Ахмад настны тэтгэвэр, зээлийн асуудлаар гаргасан ажлын хэсг... О.Сэргэлэн: Тархины үхэлтэй донорын тогтолцоог хөгжүүлэх нь ... Ахмад настны тэтгэвэр, зээлийн асуудлыг хэлэлцэж, нэмэгдүүлэ... Шатахуун худалдаа эрхлэгч 21 ААН-д 52.6 тэрбум төгрөгийн тор... Нисэхийн уулзвараас Тэмээтэй хөшөө хүртэл нийтийн тээврийн т... “Гермес” төвийн нүхэн гарцыг түлхэж оруулах шинэ технологиор... Г.Занданшатар: “Баялгийн хулгайтай хатуу тэмцэнэ” 7 настай сурагчийн амь насыг хохироосон багшид бүх насаар нь... Эверестээс гадна Балбын нууцлаг оргилууд руу авирагчидыг тоо... Төгрөгийн хадгаламж өсөж, валютын хадгаламж буурлаа Шатахууны нөөцийг 30 хоногт хүргэхийн тулд ААН-үүдэд хөнгөлө... Ц.Лут-Очир: Шатахууны хангамж үе үеийн Засгийн газрын худлаа... Ерөнхийлөгч У.Хүрэлсүх эмч, эмнэлгийн ажилтнуудад төрийн дээ...
Top