Латвийн найруулагч Гинтс Зилбалодисийн бүтээл "Урсгал" анимэйшн киног олон улсын шүүмжлэгчид "Каннын кино наадмын нуугдмал эрдэнэ" хэмээн үнэлж, "Алтан бөмбөрцөг", Annie Awards зэрэг нэр хүндтэй шагналуудыг хүртсэн. Мөн тус бүтээл "Оскар"-ын хоёр номинацид нэр дэвшиж, үзэгчдийн сонирхлыг ихээхэн татаж байна.

Юу өгүүлэх кино вэ?

Киноны гол дүр бол хар муур. Тэр ганцаардмал амьдралаар явж байхдаа үерийн урсгалд өртөн, санамсаргүйгээр дарвуулт завин дээр хашигддаг. Тэнд тэрээр капибара, ретривер нохой, лемур, нарийн бичгийн дарга гэх шувуутай тааралдаж, хамтдаа амьд үлдэхийн төлөө аялалд гарна.

Символик утгаараа уг бүтээл нь орчин үеийн "Нойн хөлөг онгоц"-той адил. Гэхдээ энд амьтдыг хосоор нь аврах тухай бус, харин зан чанар, ялгаатай байдал, хамтын ажиллагааны тухай өгүүлнэ.

• Гол санаа: Хүн (мөн амьтад) ганцаараа амьд үлдэж чаддаггүй.
• Тулгамдсан асуудал: Айдас, өөрчлөлтийн үед хэрхэн зохицох вэ?
• Бодит байдал: Хамтын хүчээр л амьд үлдэж болно.

Кино яагаад үггүй вэ?

Энэхүү бүтээлд ямар нэгэн яриа байхгүй. Учир нь найруулагч "харилцаа зөвхөн үгнээс хамаардаггүй, үйлдэл илүү чухал" гэсэн санааг харуулахыг зорьсон.

• Киноны баатруудад хүний дуу оруулаагүй. Амьтдын жинхэнэ дууг хиймэл оюун ухаанаар боловсруулсан.
• Дэлхийн хаана, хэзээ болж буй нь тодорхой бус. Энэ нь бүх цаг үед, бүх газар нутагт тохирох санааг илэрхийлнэ.

Хэн үзэх ёстой вэ?

Энэхүү бүтээл нь зөвхөн хүүхдийн анимэйшн биш. Харин:

• 15-аас дээш насныхан – киноны давхар утга, философийг ойлгоно.
• 5-6 насны хүүхдүүд – өнгө, хөдөлгөөн, мэдрэмжийн өрнөлийг сонирхоно.
• Гэр бүл, найз нөхөдтэйгээ үзэхэд тохиромжтой – хамтдаа амьдрах, бусдыг ойлгох талаар өгүүлдэг учраас.

Дүгнэлт

"Урсгал" бол хүний мөн чанар, бусдын төлөө өөрийгөө зориулж чадах уу гэдэг талаар өгүүлэх гүн гүнзгий бүтээл юм. Хүмүүсийн амьдралд юу ч тохиолдож болох ч, бид бие биедээ дэмжлэг үзүүлж, хамтдаа урагшлах ёстойг онцолжээ.

Эх сурвалж: Officelife.media